અમરમહેલ-સાંતાક્રુઝ, પશ્ચિમ એક્સ્પ્રેસ-વેને સિગ્નલમુક્ત અને સૌથી ઝડપથી પ્રવાસ કરવા માટે હવે જુલાઇ મહિના સુધીની રાહ મુંબઈગરાઓને જોવી પડશે. સાંતાક્રુઝ અને ચેમ્બુરને જોડવા માટે વાકોલા નાળા-પાનબાઈ ઇન્ટરનેશનલ સ્કૂલ એલિવેટેડ રોડ નિર્માણ કરવાનું કામ એપ્રિલ મહિના સુધી પૂર્ણ કરવામાં આવશે એવી જાહેરાત એમએમઆરડીએ દ્વારા કરવામાં આવી હતી. આ રોડનું કામ 95 ટકા જેટલું જ પૂરું થયું છે, જેથી બાકીના કામકાજને પૂર્ણ થવા માટે જુલાઇ સુધીનો સમય લાગવાનો છે અને તે બાદ આ રોડને વાહનો માટે ખુલ્લો મૂકવામાં આવશે.
સાંતાક્રુઝ-ચેમ્બુર માર્ગનો વિસ્તાર કરવા માટે કપાડિયા નગર-વાકોલા દરમિયાન એલિવટેડ રોડ નિર્માણ કરવાનો પ્રસ્તાવ રજૂ કરવામાં આવ્યો હતો. આ રોડ માટે 600 કરોડ રૂપિયાનો ખર્ચ કરવામાં આવ્યો છે.
આ રોડ માત્ર ત્રણ કિલોમીટર જ બનીને પૂર્ણ થયો છે અને 210 મીટર અને આગળ 500 મીટરના એલિવટેડ રોડનું કામ હજુ સુધી શરૂ કરવામાં આવ્યું નથી. વાકોલા નાળા-પશ્ચિમ એક્સ્પ્રેસ હાઇ-વે પરના એફઓબી પરથી કેબલ સ્ટે પુલ જવાનો છે અને આગળ આ રોડ પાનબાઈ સ્કૂલ સુધી હાલના પુલ સાથે જોડવામાં આવશે.
આ બ્રિજનું કામ પૂર્ણ થયા બાદ અમર મહેલ-સાંતાક્રુઝ અને પશ્ચિમ એક્સ્પ્રેસ હાઇવે પરનો પ્રવાસ અમુક મિનિટમાં પૂર્ણ થશે, એવું અધિકારીએ કહ્યું હતું. આ રોડનું કામ સમયસર પૂર્ણ નહીં કરવા માટે કોન્ટ્રેક્ટર પર કાર્યવાહી કરી તેની પાસેથી 2.5 કરોડ રૂપિયાનો દંડ ફટકારવામાં આવ્યો હતો.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/FUuyFAF4F2mJbjriRJ3hLH
