પ્રવાસીનું સૌથી સસ્તું સરકારી વાહન બસ છે અને તેથી રોજ લાખ્ખો મુંબઈગરા અવરજવર માટે બસ પસંદ કરે છે, કારણ કે બધાને રિક્ષા- ટેક્સીનું ભાડું પોસાતું નથી. બેસ્ટની બસ દિવસરાત ચાલતી હોવાથી અનેક મુંબઈગરા તેમાં જ પ્રવાસ કરવાનું પસંદ કરે છે. આવા સંજોગોમાં હવે બેસ્ટ દ્વારા નાઈટ શિફ્ટ બંધ કરવાનો નિર્ણય લેવાયો છે, જેને કારણે રાત્રે- મધરાત્રે પ્રવાસ કરનારા મુંબઈગરાને સુરક્ષિત પ્રવાસ આપનારી બેસ્ટ હવે રાત્રે નહીં ચાલશે. આને કારણે મુંબઈગરાને રાત્રે- મધરાત્રે નાછૂટકે રિક્ષા ટેક્સીનો સહારો લેવો પડશે, જે પરવડતું નહીં હોય તેમને પગપાળા ઘરે પહોંચવું પડશે.
![](https://gurjarbhoomi.com/wp-content/uploads/2023/04/02-5-774x1024.jpg)
બેસ્ટની બસ રાતપાળીમાં કામે જનારા અને કામ પરથી રાત્રે મોડા ઘરે નીકળનારા મુંબઈગરાને બસની સુવિધા દિલાસો આપનારી હતી. જોકે હવે આ સેવાને બહુ ઓછો પ્રતિસાદ મળતો હોવાથી બેસ્ટ દ્વારા રાત્રે સેવા બંધ કરવાનો નિર્ણય લેનાયો છે.એક સમયે શિફ્ટમાં કામ કરનારા મિલ કામદારો માટે આ સેવા ઉપયોગી ઠરતી હતી. આ પછી રાત્રે મોડેથી કામેથી છૂટનારા, રાતની શિફ્ટમાં કામે જનારા અનેક નોકરિયાતો આ બેસ્ટની બસ સેવાનો લાભ લેતા હતા. જોકે હવે રાત્રે 12થી સવારે 4 દરમિયાન બેસ્ટ બસ સેવા બંધ કરવામાં આવી રહી છે.
![](https://gurjarbhoomi.com/wp-content/uploads/2023/04/001-2-1024x630.jpg)
મોડી રાત્રે અમુક ટેક્સી, રિક્ષાચાલકો મોંમાગ્યા દામ પડાવે છે. આથી બેસ્ટની બસ સેવા દિલાસો આપતી હતી, પરંતુ હવે તે બંધ થતાં અમુક માથાભારે રિક્ષા- ટેક્સી લૂંટફાટ ચલાવશે એવી પ્રતિક્રિયા મુંબઈગરા આપી રહ્યા છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp ગ્રુપમાં. Join Gurjarbhoomi’s what’s app group for regular updates by clicking d link given below… https://chat.whatsapp.com/Kdwh1kEWfCM5zK9MUs3cnz
![](https://gurjarbhoomi.com/wp-content/uploads/2022/12/Want-to-Grow-Business-with-Gurjarbhoomi-2-gif-file-1.gif)