મુલુન્ડ કોલોની સ્થિત જયભારત કોલેજ નજીક પીપળાનું તોતિંગ ઝાડ શુક્રવારે રાત્રે ધરાશાયી થતાં ત્યાંથી પસાર થઈ રહેલાં લાલબાગનો રહેવાસી બાઈકસવાર હિતેશ સાસ્તે (૩૦) અને થાણાની યુવતી તન્વી કાળે (૨૮) ગંભીર રીતે ઘાયલ થયા હતા.
આ સડી ગયેલા આ પીપળાનાં ઝાડને તોડી પાડવા અહીંના રહેવાસીઓએ ૨૦૧૮માં જ મુલુન્ડ ટી વોર્ડને અરજી આપી હતી પરંતુ તે બહેરા કાને અથડાઈ હતી. ઈજાગ્રસ્તેઅને તન્વીને પહેલાં એમ.ટી. અગ્રવાલ હોસ્પિટલ અને બાદમાં પ્લેટીનમ હોસ્પિટલમાં ખસેડવામાં આવ્યા હતા. સાસ્તેને માથામાં ગંભીર માર લાગ્યો છે જ્યારે તન્વી કાળેને પગમાં ફ્રેક્ચર આવ્યું છે.
મુલુન્ડ કોલોનીમાં આ વિસ્તારમાં શાળા, કોલેજ અને હોસ્પિટલ આવેલાં છે અને ઉનાળામાં વૃક્ષ પડવાની ઘટના ઘટી છે તો ચોમાસામાં શું હાલત થશે ? એવો પ્રશ્ન મુલુન્ડ કોલોનીના રહેવાસીઓ કરી રહ્યા છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/FUuyFAF4F2mJbjriRJ3hLH
