મહારાષ્ટ્રમાં આગામી શૈક્ષણિક વર્ષથી મરાઠીને ફરજિયાત વિષય કરવામાં આવશે. શાળા શિક્ષણ મંત્રી દાદા ભુસેએ જણાવ્યું હતું કે, રાજ્ય સરકાર ટૂંક સમયમાં આ અંગે ઔપચારિક જાહેરાત કરશે. મરાઠી ભાષાને શાસ્ત્રીય ભાષાનો દરજ્જો મળ્યા બાદ આ પગલું લેવામાં આવ્યું હોવાનું માનવામાં આવે છે. દાદા ભુસેએ કહ્યું કે અંગ્રેજી શાળાઓમાં પણ મરાઠી ભણાવવું ફરજિયાત રહેશે. ભુસેએ મંગળવારે કહ્યું કે, શાળા શિક્ષણને લગતાં અનેક સૂચનો અને સમસ્યાઓ સાંભળી હતી. શિક્ષણ વિભાગની આગામી દિશા શું હશે અને તેના માટે શું કરવાની જરૂર છે તે અંગે વિવિધ સંસ્થાઓ સાથે ચર્ચા ચાલી રહી છે, જેમાંથી શાળા શિક્ષણ વિભાગનો રોડમેપ ટૂંક સમયમાં તૈયાર કરવામાં આવશે.
રાજ્યની શાળાઓમાં મરાઠી ભાષાને ફરજિયાત કરવાનો નિર્ણય લેવાયો હોવા છતાં સીબીએસઈ, આઈસીએસઈ, કેન્દ્રીય શાળાઓમાં આ નિર્ણયના અમલીકરણમાં વિલંબ થઈ રહ્યો હોવાની ચર્ચા છે. દાદા ભુસેએ ચેતવણી આપી હતી કે, આ પ્રકારનું વર્તન સાંખી લેવામાં આવશે નહીં. અંગ્રેજી ભાષા આવશ્યક હોવા છતાં મહારાષ્ટ્રમાં મરાઠી ભાષા સૌથી વધુ મહત્ત્વની છે.
મરાઠીને પણ અભિજાત ભાષાનો દરજ્જો મળ્યો છે. શાળા શિક્ષણ મંત્રીએ એમ પણ કહ્યું કે અંગ્રેજી શાળાઓમાં મરાઠી ભણાવવું ફરજિયાત હોવા છતાં ઘણી જગ્યાએ એવું થતું ન હોવાની ફરિયાદો છે. સેન્ટ્રલ બોર્ડની શાળાઓમાં મરાઠી ભાષા શીખવવી ફરજિયાત છે. તેઓ આમાંથી કોઈ છટકબારી મેળવી શકશે નહીં.
શિક્ષણ વિભાગની ચાંપતી નજર
દાદા ભુસેએ માહિતી આપી હતી કે રાજ્યની તમામ શાળાઓમાં મરાઠી ભણાવવું ફરજિયાત હોવાનો કાયદો પસાર કરવામાં આવ્યો છે. તેથી માધ્યમ ગમે તે હોય, બોર્ડ અને મેનેજમેન્ટ સ્કૂલ ગમે તે હોય, આ નિયમ બધાને લાગુ પડે છે. દાદા ભુસેએ સૂચના આપી હતી કે, આ નિયમના પાલન અંગે શિક્ષણ વિભાગ આ તમામ શાળાઓ પર ચાંપતી નજર રાખશે. વાલીઓ શિક્ષણ વિભાગને સીધી ફરિયાદ કરી શકે છે જે શાળાઓ આ બાબતે ટાળી રહી છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
