મહારાષ્ટ્રમાં છેલ્લા બે દિવસથી જાહેરાતોને લઈને શિંદે જૂથ અને ભાજપ વચ્ચે વિવાદ ચાલી રહ્યો છે. આ જાહેરાતના વિવાદ બાદ ગુરુવારે પાલઘર ખાતે એક કાર્યક્રમમાં હાજરી આપવા એકનાથ શિંદે અને દેવેન્દ્ર ફડણવીસ હેલિકોપ્ટરમાં જોડે આવ્યા, પરંતુ હેલિકોપ્ટરમાંથી ઊતરતાંની સાથે ફડણવીસે અલગ કારણસર સ્થળનો રસ્તો જુદો પકડી લીધો.
ખાસ કરીને શિંદેએ ફડણવીસને જોડે આવવા વિનંતી કરી હતી. જોકે ફડણવીસે આ વાતને નકારી કાઢી હતી. ફડણવીસે કહ્યું કે, અમે ગઈકાલે સાથે હતા, આજે પણ સાથે છીએ અને આવતીકાલે પણ સાથે રહીશું. શિંદે જૂથ અને ભાજપ ગઠબંધન એટલું તકલાદી નથી કે એક જાહેરાતને કારણે ભંગાણ પડે. ફડણવીસ પાલઘરના એક કાર્યક્રમમાં બોલી રહ્યા હતા.
રાજ્યમાં છેલ્લા બે દિવસથી જાહેરાતોને લઈને શિંદે જૂથ અને ભાજપ વચ્ચે વિવાદ ચાલી રહ્યો છે. આથી દેવેન્દ્ર ફડણવીસ ખૂબ નારાજ છે અને ગઠબંધનમાં ભંગાણ પડવાની ચર્ચાએ રંગ જમાવી દીધો છે. આ સંજોગોમાં શિંદે અને ફડણવીસ ગુરુવારે પાલઘરમાં એક કાર્યક્રમમાં એકસાથે આવ્યા હતા.
બંને ગુરુવારે મુંબઈથી હેલિકોપ્ટર દ્વારા એકસાથે પાલઘર પહોંચ્યા હતા. ફડણવીસે હેલિકોપ્ટર દ્વારા પાલઘરમાં ઊતર્યા પછી પત્રકારોને એક પ્રશ્નના ઉત્તરમાં જણાવ્યું કે અમારી સાથેની યાત્રા છેલ્લાં 25 વર્ષથી છે, નવી નથી. છેલ્લા એક વર્ષમાં અમારી સફર વધુ ચુસ્ત બની છે, તેથી અમારી મુસાફરી વિશે ચિંતા કરવાનું કોઈ કારણ નથી.પદની ઈચ્છા નથી : ફડણવીસે કહ્યું કે, અમારી સરકાર એટલી નબળી નથી કે તે માત્ર જાહેરાત કે નિવેદનને કારણે કંઈ પણ બની શકે.
એકનાથ શિંદે લોકપ્રિય મુખ્ય મંત્રી
ફડણવીસે તેમના ભાષણમાં એકનાથ શિંદેનો લોકપ્રિય મુખ્ય મંત્રી તરીકે ઉલ્લેખ કર્યો હતો. શિંદે સેનાની જાહેરાતમાં ઉલ્લેખ કરવામાં આવ્યો હતો કે શિંદે ફડણવીસ કરતાં વધુ લોકપ્રિય હતા, જેના કારણે શિંદે જૂથ અને ભાજપ વચ્ચે વિવાદ સર્જાયો હતો. તેથી ફડણવીસે ગુરુવારે તેમના ભાષણમાં શિંદેને ‘લોકપ્રિય’ કહીને ઘણા લોકોની ભ્રમર ઉંચી કરી છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/Dlp5GlYBsz4I3eX56yFiSM
