કાકા શરદ પવાર અને ભત્રીજા અજિત પવાર વચ્ચે રાષ્ટ્રવાદી કોંગ્રેસ પાર્ટી NCPના અધિકારને લઈને યુદ્ધ ચાલી રહ્યું હતું. એક દિવસ પહેલા જ ચૂંટણી પંચે અજિત પવારના જૂથને અસલી NCP ગણાવ્યું હતું. આ સાથે શરદ પવાર પાસેથી પાર્ટીનું ચૂંટણી ચિન્હ ઘડિયાળ અને પાર્ટીનું નામ પણ છીનવી લેવામાં આવ્યું હતું.
રાષ્ટ્રવાદી કોંગ્રેસ પાર્ટીનું નામ અને ચૂંટણી ચિન્હ છીનવી લીધા પછી શરદ પવાર જૂથ NCP શરદચંદ્ર પવાર તરીકે ઓળખાશે. શરદ પવારે ચૂંટણી પંચ સમક્ષ પાર્ટીના ત્રણ નવા નામ અને ચૂંટણી ચિહ્નોનો પ્રસ્તાવ મૂક્યો હતો. એક દિવસ પહેલા અજિત પવારના જૂથને અસલી NCP ગણવાના નિર્ણય પછી, ચૂંટણી પંચે આ માટે શરદ પવારને બુધવાર સાંજ સુધીનો સમય આપ્યો હતો.
કાકા શરદ પવાર અને ભત્રીજા અજિત પવાર વચ્ચે રાષ્ટ્રવાદી કોંગ્રેસ પાર્ટી NCPના અધિકારને લઈને યુદ્ધ ચાલી રહ્યું હતું. એક દિવસ પહેલા જ ચૂંટણી પંચે અજિત પવારના જૂથને અસલી NCP ગણાવ્યું હતું. આ સાથે શરદ પવાર પાસેથી પાર્ટીનું ચૂંટણી ચિન્હ ઘડિયાળ અને પાર્ટીનું નામ પણ છીનવી લેવામાં આવ્યું હતું. આ પછી જ શરદ પવારને પાર્ટી માટે નવું નામ અને ચૂંટણી ચિન્હ નક્કી કરવા માટે સમય આપવામાં આવ્યો હતો. શરદ પવારે ત્રણ વિકલ્પો આપ્યા હતા, જેમાંથી રાષ્ટ્રવાદી કોંગ્રેસ પાર્ટી શરદચંદ્ર પવારનું નામ નક્કી કરવામાં આવ્યું છે.
શરદ પવારે આ નામો સૂચવ્યા હતા
શરદ પવારના ભત્રીજા અજિત પવારે રાષ્ટ્રવાદી કોંગ્રેસ પાર્ટી NCPનો કબજો સંભાળ્યા પછી ચૂંટણી પંચે પાર્ટીના ત્રણ નવા નામ અને ચૂંટણી ચિહ્નો સૂચવ્યા હતા. રાષ્ટ્રવાદી કોંગ્રેસ પાર્ટી શરદ પવાર, રાષ્ટ્રવાદી કોંગ્રેસ પાર્ટી શરદચંદ્ર પવાર, રાષ્ટ્રવાદી કોંગ્રેસ પાર્ટી શરદરાવ પવાર આ ત્રણ નામ પાર્ટી માટે સૂચવવામાં આવ્યા હતા. આ સિવાય ચૂંટણી ચિન્હમાં ચાનો કપ, ઉગતો સૂર્ય અને વડના વૃક્ષનો વિકલ્પ આપવામાં આવ્યો હતો. તેમાંથી ચૂંટણી પંચે પાર્ટીના નામ પર નિર્ણય કર્યો છે. ચૂંટણી ચિન્હને લઈને હજુ પણ વાતચીત ચાલી રહી છે.
કાકા પાસેથી રાજકારણ શીખ્યું અને પક્ષ પણ છીનવ્યો
મહારાષ્ટ્રના ડેપ્યુટી સીએમ અજિત પવાર હવે NCPના અસલી માલિક બની ગયા છે. ખાસ વાત એ છે કે અજિત પવારે કાકા પાસેથી રાજનીતિની કળા શીખી અને કાકા શરદ પવાર પાસેથી જ પાર્ટી છીનવી લીધી. શરદ પવાર પુત્રી સુપ્રિયા સુલેને પોતાની રાજકીય વારસદાર બનાવવા માંગતા હતા, પરંતુ અજિત પવાર પાર્ટીના એક જૂથને કબજે કરીને મહારાષ્ટ્ર સરકારમાં જોડાયા અને ડેપ્યુટી સીએમ પણ બન્યા. તેમણે શરદ પવારને પાર્ટી અધ્યક્ષ પદેથી હટાવીને પાર્ટીની કમાન પણ સંભાળી હતી. ત્યારથી આ મામલો કોર્ટ અને ચૂંટણી પંચમાં ચાલી રહ્યો હતો.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/ClfFxhayoZpKceeVw3m4wY
