મુલુન્ડ (વે)માં વી.પી. રોડ સ્થિત રોહિદાસ નગરમાં રહેતા અને ગેસ સિલિન્ડર સપ્લાય કરવાનું કામ કરતા પરમારામ મેઘવાન ૧૦ એપ્રિલના રાત્રે મુલુન્ડ (ઈ)માં આઝાદનગર પાસે તેમની પાર્ક કરેલી એપ રિક્ષામાં બે ગેસ સિલિન્ડર રાખ્યા હતા. બીજા દિવસે સવારે તેઓ સિલિન્ડર લેવા ગયા ત્યારે પરમારામને ગાડીનું લૉક તોડીને તેમાંથી રૂા. ૧૦ હજારની બંને ગેસના બાટલા ચોરી થયા હોવાનું માલુમ પડતાં તેમણે નવઘર પોલીસ સ્ટેશનમાં ફરિયાદ નોંધાવી હતી.
મુલુન્ડ (વે)માં એલબીએસ માર્ગ સ્થિત પવાર ચાલમાં રહેતા જ્યોતિ પોપેટા ૧૦ એપ્રિલના સાંજે સાડા છ કલાકે મહાજનવાડી, આર.આર.ટી. રોડ, મુલુન્ડ (વે) પર શાકભાજી ખરીદી રહ્યા હતા ત્યારે ભીડનો લાભ લઈને અજાણ્યા ચોરટાએ તેમની કપડાની બેગમાં રાખેલું પર્સ ચોરી લીધું હતું જેમાં રૂા. ૭ હજારની કિંમતનો મોબાઈલ તથા રૂા. ૩૦૦૦ રોકડા હતા. જ્યોતિએ પર્સની આસપાસ શોધ કરતાં તે ન મળતાં તેમણે અજાણ્યા ચોર વિરૂદ્ધ મુલુન્ડ પોલીસ સ્ટેશનમાં ફરિયાદ નોંધાવી હતી.
ચોરીની અન્ય ઘટનામાં વાગલે એસ્ટેટ થાણેમાં રહેતા ભૂષણ નાઈકે ૮ એપ્રિલના સવારે ૫.૩૦ થી બપોરે ૪ વાગ્યા સુધી તેમની હોન્ડા બજાજ બાઈક મુલુન્ડ (વે)માં જટાશંકર ડોસા માર્ગ પર પાર્ક કરી હતી. બપોરે કામકાજ પતાવીને ભૂષણ તેમની બાઈક પરત લેવા ગયા ત્યારે બાઈક ત્યાં જોવા ન મળતાં તેમણે આજુબાજુના વિસ્તારમાં તપાસ કરી હતી પરંતુ પરિણામ શૂન્ય આવતાં ભૂષણે તેમની બાઈક ચોરી થઈ હોવાની ફરિયાદ મુલુન્ડ પોલીસ સ્ટેશનમાં નોંધાવી હતી.
તા.૮ એપ્રિલના જ ઘટેલી અન્ય ઘટનામાં કિસનનગર થાણેમાં રહેતા સુજન જૈન સવારે પોણા નવની આસપાસ મહારાણા પ્રતાપ બસ સ્ટોપ મુલુન્ડ (વે)થી ૪૬૧ ક્રમાંક બસમાં ચડી રહ્યા હતા ત્યારે ભીડનો લાભ લઈને અજાણ્યા ગઠિયાએ તેમનો રૂા.૧૫ હજારની કિંમતનો સેમસંગ મોબાઈલ ચોરી લીધો હતો. જેને પગલે જેને મુલુન્ડ પોલીસ સ્ટેશનમાં ફરિયાદ નોંધાવી હતી.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/J2Pyen7MSE00ByfO4abrG1
