જો પ્રોપર્ટી ટેક્સમાં વધારો કરવાની દરખાસ્ત કરવામાં આવે તો પણ રાજ્ય સરકાર દરખાસ્તને પડતી મૂકે તેવી શક્યતા છે કારણ કે આગામી મહિનાઓમાં લોકસભા અને વિધાનસભાની ચૂંટણીઓ યોજાવાની છે.
મુંબઈ મ્યુનિસિપલ કોર્પોરેશન લગભગ 15 ટકાના ટેક્સ વધારાની દરખાસ્ત સાથે છેલ્લા ત્રણ વર્ષથી પેન્ડિંગ રહેલા પ્રોપર્ટી ટેક્સ વધારાના હથિયારને બહાર લાવવા માટે તૈયાર છે. મુંબઈ મહાનગરપાલિકાએ 2023થી 2025 સુધીના બે વર્ષ માટે ટેક્સ વધારવાની તૈયારી શરૂ કરી દીધી છે. આશરે 15 ટકાનો ટેક્સ વધારો પ્રસ્તાવિત છે અને આ વર્ષે ટેક્સમાં ફેરફાર થશે. આ કરવેરાથી ઊભી થતી નાણાકીય પરિસ્થિતિનો અભ્યાસ કરવા માટે ચાર્ટર્ડ એકાઉન્ટન્ટની નિમણૂક કરવાનો નિર્ણય લેવામાં આવ્યો છે.
મુંબઈમાં દર પાંચ વર્ષે પ્રોપર્ટી ટેક્સમાં વધારો થાય છે. 2015માં પ્રોપર્ટી ટેક્સમાં વધારો કરવામાં આવ્યો હતો. ત્યારબાદ 2020માં વધારો અપેક્ષિત હતો. પરંતુ કોરોના સંકટને કારણે 2020 અને 2021માં ટેક્સ વધારવામાં આવ્યો ન હતો. 2022માં નગરપાલિકાની ચૂંટણી થવાની સંભાવનાને ધ્યાનમાં રાખીને કરવધારો અટકાવી દીધો હતો. જે બાદ હવે આગામી બે વર્ષ 2023 થી 2025 સુધી ટેક્સ વધારવાનો પ્રસ્તાવ છે. પાલિકાના આકારણી અને સંગ્રહ વિભાગ દ્વારા તેનો મુસદ્દો તૈયાર કરવામાં આવી રહ્યો છે.
મ્યુનિસિપલ એક્ટમાં દર પાંચ વર્ષે ટેક્સ વધારવાની જોગવાઈ છે. જો કે, આકારણી અને સંગ્રહ વિભાગના અધિકારીઓ કહે છે કે સામાન્ય રીતે 15 ટકા વધારો કરવામાં આવે છે જેથી નાગરિકો પર બોજ ન પડે. પ્રોપર્ટી ટેક્સમાં વધારો 1 એપ્રિલ, 2023થી અમલમાં આવતા રેડી રેકનર દરે જમીનની બજાર કિંમત અથવા બિલ્ડિંગની મૂડી કિંમત પર આધારિત હશે. એટલે કે મુંબઈમાં તે વિસ્તારના રેડી રેકનર રેટ પ્રમાણે ટેક્સ નક્કી કરવામાં આવશે. આ અધિકારીએ સ્પષ્ટતા કરી છે કે ચાર્ટર્ડ એકાઉન્ટન્ટના નાણાકીય અભ્યાસના અહેવાલ પછી ટેક્સમાં આ વધારો અપેક્ષિત છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/D7tXVfZBAS1JYWWVtMpheZ
