ઘાટકોપરના ગુજરાતી વેપારી સાથે લાઇટ-બિલના નામે સાઇબર-છેતરપિંડી થઈ હોવાની ઘટના પ્રકાશમાં આવી છે. ઘાટકોપર-ઈસ્ટમાં સિક્સ્ટી ફીટ રોડ પરની એક સોસાયટીમાં રહેતા અને તળોજા ખાતે દુકાન ધરાવતા ૬૦ વર્ષના મહેશ કાણકિયા સાથે પાંચમી માર્ચે સાઈબર છેતરપિંડીની ઘટના બની હતી જેમાં તેમણે ૮,૫૦,૪૫૦ રૂપિયા ગુમાવ્યા હતા, મહેશભાઈએ પંતનગર પોલીસ-સ્ટેશનમાં કરેલી ફરિયાદમાં અનુસાર બપોરે તેઓ ઘરે હતા ત્યારે બે વાગ્યે એક યુવાને મહારાષ્ટ્ર સ્ટેટ ઇલેક્ટ્રિસિટી ડિસ્ટ્રિબ્યુશન કંપની લિમિટેડ (MSEDCL)થી મેસેજ કરતો હોવાનો દાવો કરીને કહ્યું હતું કે તેમની તળોજાની દુકાનનું બિલ અપડેટ થયું ન હોવાથી વીજળીનું કનેક્શન કાપી નાખવામાં આવશે. એની સાથે વધુ માહિતી માટે નંબર પણ આપવામાં આવ્યો હતો.
મહેશભાઈએ એના પર ફોન કરતાં સામેની વ્યક્તિએ બિલ અપડેટ કરવા માટે ગૂગલ ક્રોમ પર જઈને MSEDCLની લિન્ક માં ૧૦૦ રૂપિયા ભરવા કહ્યું હતું. એ ભરતાંની સાથે તેમને બીજું બેન્ક-અકાઉન્ટ અપડેટ કરવા માટે ફરી MSEDCL ની લિન્કમાં માહિતી ભરવા માટે કહેવામાં આવ્યું હતું. એ પણ ભરી દેતાં રાત્રે આઠ વાગ્યે તેમને તેમનાં બન્ને બેન્ક-અકાઉન્ટમાંથી પાંચ ટ્રાન્ઝેક્શનમાં સાઈબર ગઠિયાએ ૮,૫૦,૪૫૦ રૂપિયા કાઢી લીધા હોવાનો મેસેજ મળ્યો હતો. અંતે ૬ એપ્રિલે આ ઘટનાની ફરિયાદ પંતનગ૨ પોલીસ-સ્ટેશનમાં નોંધાવવામાં આવી હતી.
પંતનગર પોલીસ-સ્ટેશનના એક સિનિયર અધિકારીએ કહ્યું હતું કે ‘ફરિયાદી પાસેથી MSEDCL જેવી દેખાતી બોગસ લિન્કમાં તેમના બૅન્ક-અકાઉન્ટની માહિતી ભરાવીને પૈસા ઉપાડવામાં આવ્યા હતા. આ કેસમાં જે અકાઉન્ટમાં આગળ પૈસા ટ્રાન્સફર કરવામાં આવ્યા છે એની માહિતી કાઢવામાં આવી રહી છે.’
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/FUuyFAF4F2mJbjriRJ3hLH
