કચ્છી લોહાણા મહાજન-મુલુંડની ચૂંટણી... સત્તાનું નહીં, સેવા અને સંકલ્પનું પર્વ -

શાંતિલાલ ઠક્કર –

કચ્છની ઘરતીની ખમીરવંતી અને વેપાર-ઉદ્યોગમાં પોતાની આગવી ઓળખ ધરાવતી કચ્છી લોહાણા જ્ઞાતિ આજે એક મહત્વના વળાંક પર ઉભી છે. રવિવાર તા. 10-5-2026ના રોજ યોજાનારી “કચ્છી લોહાણા મહાજન’ની ચૂંટણી માત્ર હોદ્દેદારો બદલવાની પ્રક્રિયા નથી, પરંતુ જ્ઞાતિના ભવિષ્યનો રોડમેપ તૈયાર કરવાની એક સુવર્ણ તક છે.

લોહાણા જ્ઞાતિ હંમેશા પરોપકાર અને સંગઠન શક્તિ માટે જાણીતી રહી છે. મુંબઈથી માંડીને કચ્છના ગામડાઓ સુધી ફેલાયેલા આ સમાજમાં ‘મહાજન’ની પરંપરા સદીઓ જૂની છે. અહીં યાદ આપવું ઘટે કે મહાજનની સ્થાપના અને મહાજનનો ઉદ્દેશ આપણા લોહાણા જ્ઞાતિજનોને સાથ સહકાર આપી તેમને આગળ લઈ આવવાનો હતો. હવે ૨૧મી સદીના આ દાયકામાં જ્યારે પડકારો બદલાયા છે, ત્યારે મહાજનનું માળખું પણ વધુ કાર્યક્ષમ અને ડિજિટલ બને તે અનિવાર્ય છે. ચૂંટણીમાં ઉતરેલા ઉમેદવારો પાસે માત્ર જૂના યશગાન નહીં, પણ આપણા લોહાણા જ્ઞાતિજનો માટેની નક્કર યોજનાઓ હોવી જોઈએ.

શિક્ષણ અને યુવા શક્તિ જ્ઞાતિના તેજસ્વી તારલાઓને વૈશ્વિક સ્તરે સ્પર્ધા કરવા માટે મહાજન દ્વારા કેવું પ્રોત્સાહન મળશે? શું આપણે માત્ર ઇનામ વિતરણ પૂરતા સીમિત રહીશું કે પછી ઉચ્ચ અભ્યાસ માટે માર્ગદર્શન અને આર્થિક સહાયનું મોટું માળખું ઊભું કરીશું? આરોગ્ય અને સુરક્ષા મધ્યમ વર્ગના પરિવારો માટે મોંઘી તબીબી સારવાર ચિંતાનો વિષય છે. મહાજનના ટ્રસ્ટો અને હોસ્પિટલોનું સંચાલન વધુ લોકાભિમુખ બને તે સમયની માંગ છે. પારદર્શિતા મહાજનની મિલકતો અને ફંડનો ઉપયોગ આપણા લોહાણા જ્ઞાતિના ઉત્કર્ષ માટે જ થાય અને તેમાં સંપૂર્ણ પારદર્શિતા જળવાય તે મતદારોની પ્રથમ અપેક્ષા છે.

“ચૂંટણીમાં પેનલો સામસામે હોય તે લોકશાહીનું લક્ષણ છે, પણ ચૂંટણી પછી’હું’ અને ‘તું’ છોડીને આપણું મહાજન’ બને તે જ્ઞાતિની સાચી જીત છે.”અહીં મતદારોની જવાબદારી એટલી જ મહત્વની છે. જ્ઞાતિજનોએ પણ હવે જાગૃત થવાની જરૂર છે. જ્ઞાતિવાદની અંદર પણ ‘પેટા-જ્ઞાતિ’ કે ‘પ્રદેશવાદ’ના આધારે નહીં, પણ ઉમેદવારની આપણા લોહાણા જ્ઞાતિજનો માટેની કામ કરવાની દાનત અને તેની ક્ષમતા જોઈને મતદાન કરવું જોઈએ. લોહાણા સમાજની શક્તિ તેની એકતામાં છે. ચૂંટણીના પ્રચારમાં કડવાશ ન આવે અને લોહાણા લોહીની મર્યાદા જળવાય તે જોવાની જવાબદારી દરેક ઉમેદવાર અને સમર્થકની છે.
આ ચૂંટણી એ જ્ઞાતિના નવનિર્માણનો અવસર છે. જે પણ પેનલ વિજેતા બને, તેમના શિરે કચ્છી લોહાણા મહાજન-મુલુંડના ગૌરવશાળી વારસાને આગળ ઘપાવવાની મોટી જવાબદારી રહેશે. આશા રાખીએ કે આ ચૂંટણી જ્ઞાતિમાં વિખવાદ નહીં, પણ વિકાસના નવા દ્વાર ખોલશે.

રઘુવંશી એકતા ઝિંદાબાદ

Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું https://chat.whatsapp.com/JBcuZPbs8c13mKBrrfFfga