ચાંદની બારના ચાર કર્મચારીઓએ એક વ્યક્તિ પર હુમલો કર્યો હતો અને તેને પોલીસ બાતમીદાર હોવાની શંકા હતી. તેમની સામે મુલુંડ પશ્ચિમમાં કેસ નોંધવામાં આવ્યો છે...
મુલુંડ પશ્ચિમમાં ચાંદની બારના ચાર કર્મચારીઓ સામે એક 37 વર્ષીય મરીન લાઇન્સના રહેવાસી પર પોલીસ બાતમીદાર હોવાની શંકામાં હુમલો કર્યા બાદ કેસ નોંધવામાં આવ્યો છે. માર્ચના પ્રથમ સપ્તાહમાં પોલીસે બાર પર દરોડા પાડ્યા પછી આ પગલું લેવામાં આવ્યું છે, જેના કારણે બાર મેનેજર અને સ્ટાફને તેની ભૂમિકા પર શંકા હતી.
મુલુંડ પોલીસના જણાવ્યા અનુસાર થાણેમાં આંખની હોસ્પિટલમાં કામ કરતો ઝોહેબ શેખ 3 માર્ચે ચાંદની બારમાં હતો. જ્યારે શેખ બારમાં હતો, ત્યારે મેનેજર તેની પાસે આવ્યો અને તેનો ફોન છીનવી લીધો અને આરોપ લગાવ્યો કે તે પોલીસના સંપર્કમાં હતો અને ધમકાવતા કહ્યું કે તે અમારા બારનો વીડિયો બનાવી પોલીસનેે શેર કર્યો હતો તે પછી પોલીસોએ અમારા બાર પર દરોડો પાડ્યો હતો.
ત્યારબાદ તેઓ તેને અન્ય રૂમમાં ધસડી ગયા જ્યાં બારના વેઈટર સહિત કેટલાક સ્ટાફ સભ્યોએ તેના પર કથિત રીતે હુમલો કર્યો. બે કલાક પછી તેને એક ઓટોમાં લઈ જવામાં આવ્યો અને ઐરોલી બ્રિજ પર ઉતારી દેવામાં આવ્યો હતો.
આ સંદર્ભે ઝોહેબ શેખએ પોતાની સાઈડ રાખતા જણાવ્યું હતું કે મારે દરોડા સાથે કોઈ લેવાદેવા નથી. જ્યારે હુમલો થયો ત્યારે હું મારુ ડ્રક્સ પી રહ્યો હતો. અચાનક મેનેજરએ મારા પર દરોડાનો આરોપ લગાવી અન્ય રુમમા લઈ જઈ વેઈટરો સાથે મળી મારી મારપીટ કરી હતી. ત્યાર પછી મેં મુલુંડ પોલીસ સ્ટેશનમાં કેસ નોંધાવ્યો. તેઓ મારી પાસે રહેલા 6,500 રોકડા પણ લઈ ગયા.
આ સંદર્ભે આરોપીઓ સામે ભારતીય દંડ સંહિતાની કલમ 342 (ખોટી રીતે કેદ), 392 (લૂંટ) અને 34 (સામાન્ય હેતુ) હેઠળ કેસ દાખલ કરવામાં આવ્યો છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/J2Pyen7MSE00ByfO4abrG1
