રિયલ એસ્ટેટ ક્ષેત્રમાં તેજીને લીધે મુંબઈ અને પુણે જેવાં શહેરોમાં ફલેટના ભાવ આભને આંબવા માંડયા છે એવી પરિસ્થિતિમાં સિડકોએ નવી મુંબઈમાં અમુક પ્રોજેક્ટ હેઠળ માર્કેટ રેટ કરતાં અડધી કિંમતે ઘરે ઉપલબ્ધ કરવા માંડયા છે.મ્હાડા (મહારાષ્ટ્ર હાઉસિંગ એન્ડ એરિયા ડેવલપમેન્ટ ઓથોરિટી) મુંબઈમાં જરૂરિયાતમંદો માટે વ્યાજબી દરે ઘરોનું વેચાણ કરે છે એવી જ રીતે સિડકો (સિટી એન્ડ ઈન્ડસ્ટ્રીયલ ડેવલપમેન્ટ ઓથોરિટી)એ નવી મુંબઈમાં સામાન્ય માણસને પરવડે એ ભાવે ફલેટ ઉપલબ્ધ કરે છે.
સિડકોએ નવી મુંબઈમાં અનેક નોડમાં મકાનો બાંધ્યા હતા. ૩૨- ૪૦ વર્ષ વિતવાથી આ મકાનો ખૂબ ખરાબ હાલતમાં છે. આ મકાનોના પુનર્વિકાસનો મુદ્દો કેટલાય વખતથી ચર્ચાતો હતો. ઘણાં વખત પછી હવે આ મકાનોના રિડેવલપમેન્ટનું મુહૂર્ત નીકળ્યું છે.
સિડકોના પહેલાં રિડેવલપમેન્ટ પ્લાન હેઠળ પનવેલના ખાંદા કોલોનીમાં ત્રણ માળના મકાનો પાડીને તેની જગ્યાએ ૧૪ માળના પાંચ ટાવરો બાંધવામાં આવશે. આ યોજનામાં ૧૯૨ ફલેટધારકોને વધુ મોટા ફલેટ મળશે અને ૪૯૦ નવા ઘરો બંધાશે. આ નવા ઘરો વ્યાજબી ભાવે મધ્યમ વર્ગના લોકો ખરીદી શકશે. આ કોલોનીમાં ૪૯ દુકાનો પણ બાંધવામાં આવશે.
પનવેલ મહાપાલિકા ક્ષેત્રમાં આવતા ન્યૂ પનવેલ, કળંબોલી, ખાંદા કોલોનીના સિડકો નોડમાં આવા અનેક બિલ્ડિંગો રિડેવલપમેન્ટની પ્રતીક્ષાઓ છે. મોટી સંખ્યામાં મકાનોનો પુનર્વિકાસની પ્રતીક્ષામાં છે. આ મકાનોના રિડેવલપમેન્ટને લીધે મધ્યમ વર્ગ માટે હજી વધુ સંખ્યામાં ઘરો ઉપલબ્ધ થશે.
બીજી તરફ નવી મુંબઈમાં લોકો સિડકોએ બાંધેલા ઘરો ખરીદવા માટે ઉત્સુક નથી એ પણ હકીકત છે. એટલે જ ત્રણ હારથી વધુ ફલેટો વેંચાણ વગર પડયા છે. સિડકોએ લોકોને આકર્ષવા હોર્ડિંગ્સ પર જાહેરાત કરવાની નોબત આવી છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/FUuyFAF4F2mJbjriRJ3hLH
