નવી મુંબઈ ઇન્ટરનેશનલ એરપોર્ટ (NMIA) પરથી મુસાફરોની સુવિધા માટે પબ્લિક ટ્રાન્સપોર્ટ અને ગ્રાઉન્ડ મોબિલિટી નેટવર્કના વિસ્તારની જાહેરાત કરવામાં આવી છે. એરપોર્ટ પરથી મુંબઈ, નવી મુંબઈ, પુણે અને સમગ્ર મુંબઈ મેટ્રોપોલિટન રિજન (MMR)ના વિસ્તારો માટે બસ, ટેક્સી, ઓટોરિક્ષા, કાર રેન્ટલ અને ખાસ એરપોર્ટ શટલ સેવાઓ સહિતના મલ્ટીમોડલ ટ્રાન્સપોર્ટના વિકલ્પો ઉપલબ્ધ કરાવવામાં આવશે.
૭ ઓક્ટોબરથી ઈ-શિવાઈ ઈલેક્ટ્રિક બસ સેવા થશે શરૂ
શિયાળુ શેડ્યૂલ (૨૫ ઓક્ટોબર ૨૦૨૬થી ૨૭ માર્ચ સુધી) શરૂ થાય તે પહેલાં આ વાહનવ્યવહાર સેવાઓનો પ્રારંભ થઈ રહ્યો છે. મહારાષ્ટ્ર સ્ટેટ રોડ ટ્રાન્સપોર્ટ કોર્પોરેશન (MSRTC) દ્વારા ૭ ઓક્ટોબરથી ‘ઈ-શિવાઈ’ (e-Shivai) ઈલેક્ટ્રિક બસ સેવા શરૂ કરવામાં આવશે. પ્રથમ તબક્કામાં આ બસો નવી મુંબઈ એરપોર્ટને દાદર, બોરીવલી અને પુણે સાથે જોડશે. આ સેવાઓ વહેલી સવારથી મોડી રાત સુધી કાર્યરત રહેશે.
- દાદર-NMIA રૂટ: સાયન અને અટલ સેતુ થઈને ઓપરેટ થશે.
- બોરીવલી-NMIA રૂટ: CSMIA ટર્મિનલ ૧, બાંદ્રા અને અટલ સેતુને જોડશે.
- પુણે-NMIA રૂટ: દૈનિક ૨ સેવાઓ (એક સવારે અને એક બપોરે) પૂરી પાડશે.
- ભાવિ આયોજન: નવેમ્બરના મધ્ય સુધીમાં ઠાણે અને નાસિકને જોડતી બસ સેવાઓ પણ શરૂ કરવાનું આયોજન છે.
ટિકિટના દર અને મુસાફરો માટે ખાસ રાહત
મુસાફરો માટે ઈ-શિવાઈ બસના દરો નીચે મુજબ નક્કી કરવામાં આવ્યા છે:
- પુણે: રૂ. ૪૫૦
- બોરીવલી: રૂ. ૨૧૦
- દાદર (ઈસ્ટ): રૂ. ૧૭૦
વિશેષ રાહત રૂપે ૧૨ વર્ષથી ઓછી ઉંમરના બાળકો અને નેશનલ કોમન મોબિલિટી કાર્ડ (NCMC) સાથે મુસાફરી કરતી મહિલાઓ અડધી ટિકિટ દરે (Half-fare) મુસાફરી કરી શકશે.
મુંબઈ અને નવી મુંબઈ એરપોર્ટ વચ્ચે ફ્રી શટલ બસ
બંને એરપોર્ટ વચ્ચે મુસાફરી કરતા લોકો માટે NMIA દ્વારા સીટીફ્લો (Cityflo), આર્આ (Aarya) અને ચલો (Chalo)ના સહયોગથી મફત પ્રતિ કલાકની (Hourly) શટલ બસ સેવા શરૂ કરવામાં આવશે. આ શટલ સેવા નવી મુંબઈ એરપોર્ટને મુંબઈના છત્રપતિ શિવાજી મહારાજ ઇન્ટરનેશનલ એરપોર્ટ (CSMIA) સાથે સીધી રીતે જોડશે, જેથી કનેક્ટિંગ ફ્લાઈટ પકડતા મુસાફરોને ભારે સરળતા રહેશે.
Join Gurjarbhoomi Whats App Community by clicking the link follows… https://chat.whatsapp.com/InDRknMaSTQCOE24MRAoPg
For more details… Contact 9322529232 / 9324483455
Follow us on Instagram & Facebook by clicking the logo below…
About the Author
