આજે મુંબઈમાં મતદાન યોજાવાનું છે તેમાં કોઈ પણ અનિચ્છનીય ઘટના નહીં બને તે માટે મુંબઈ પોલીસે સજ્જડ તૈયારીઓ શરૂ કરી દીધી છે. ચાંપતો બંદોબસ્ત ગોઠવવા ઉપરાંત શનિવારે રાત્રે 10થી મધરાત્ર 1 સુધી મુંબઈમાં ઓલ આઉટ ઓપરેશન હાથ ધરાયું હતું.
આમાં 7 વોન્ટેડ આરોપીઓની ધરપકડ કરવામાં આવી હતી. 17 બિન- જામીનપાત્ર વોરન્ટ બજાવીને આરોપીઓની ધરપકડ કરવામાં આવી છે. ડ્રગ્સ વિરોધી કાયદા હેઠળ 46 કાર્યવાહી કરવામાં આવી હતી. ચાકુ, તલવાર વગેરે સહિત શસ્ત્રો જપ્તિની 31 કાર્યવાહી કરવામાં આવી હતી. અનધિકૃત દારૂ અને જુગારનૌ 15 અડ્ડા પર દરોડા પાડીને 25 જણની ધરપકડ કરવામાં આવી હતી.
શહેરમાં શંકાસ્પદ હિલચાલ કરનાર 82 જણ વિરુદ્ધ કાર્યવાહી કરવામાં આવી હતી. 205 ઠેકાણે કોમ્બિંગ ઓપરેશન હાથ ધર્યું હતું. 1095 રેકોર્ડ પરના ગુના તપાસવામાં આવ્યા હતા. તેમાં 212 આરોપી વિરુદ્ધ પ્રતિબંધાત્મક કાર્યવાહી કરવામાં આવી હતી. 1605 ઠેકાણે નાકાબંધી કરવામાં આવી હતી.
