મુલુંડ ઈસ્ટમાં એક ઈમારતમાં મજૂર તરીકે કામ કરતાઉ એક યુવક પર મોર્ટાર પડતાં તેના શરીરનો ૬૦ ટકા હિસ્સો બળી ગયો હોવાનો એક હ્રદયસ્પર્શી કિસ્સો પ્રકાશમાં આવ્યો છે. આ મામલે નવઘર પોલીસે કોન્ટ્રાક્ટર સામે ગુનો નોંધી, વધુ તપાસ હાથ ધરી છે.
નવઘર પોલીસ પાસેથી મળેલી માહિતી મુજબ, ૨૨ વર્ષીય સિરાજ શેખ ૧૧ સપ્ટેમ્બરના રોજ મુલુંડ પૂર્વની પામ એકર્સ સોસાયટીમાં મજૂર તરીકે કામ કરતો હતો. આ બિલ્ડીંગના પહેલા માળે વોટર પ્યુરીફાયરનું કામ શરૂ કરવામાં આવ્યું હતું. સિરાજ અહીંથી પસાર થતો હતો કે તે જ સમયે પહેલાં માળેથી ડામર સીધો સીરાજના શરીર પર પડ્યો. જેના કારણે તે ગંભીર રીતે ઘાયલ થયો હતો.
દરમિયાન પેટ્રોલિંગ કરી રહેલી પોલીસને આ અંગેની માહિતી મળતા સિરાજને સારવાર માટે વીર સાવરકર હોસ્પિટલમાં લઈ જવામાં આવ્યો હતો. જેના બાદ તેને સાયન હોસ્પિટલમાં ખસેડવામાં આવ્યો હતો. હાલમાં, નવઘર પોલીસે સાઇટ સુપરવાઇઝર અને કોન્ટ્રાક્ટર યોગેશ કદમ, શાંતિસાગર ચવ્હાણ, દીપક કુમાર વિરુદ્ધ આઇપીસીની કલમ ૨૮૮, ૩૩૮ અને ૩૪ હેઠળ કેસ નોંધ્યો છે અને કેસની વધુ તપાસ ચાલી રહી છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/D7tXVfZBAS1JYWWVtMpheZ
