મુલુન્ડ (ઈ)માં વાહને અડફેટે લેતાં અજાણ્યા વ્યક્તિનું મૃત્યુ મુલુન્ડ (ઈ)માં નવથર ફ્લાયઓવર બ્રીજ આનંદનગર ટોલનાકા પાસે ૨ ૧ મેના પગપાળા જઈ રહેલાં એક શખ્સને અજાણ્યા વાહને અડફેટે લેતાં તે ગંભીરપણે ઘાયલ થયો હોવાની માહિતી નવઘર પોલીસને મળતાં તેઓ તાબડતોબ પોલીસને ઘટનાસ્થળે પહોંચી ગયા હતા.
પોલીસને ઘટનાસ્થળેથી લોહીના ખાબોચિયામાં પડેલો એક શખ્સ મળી આવ્યો હતો અને તેના મોઢા પરથી વાહનનું ટાયર ફરી ગયું હોવાથી તેનો ચહેરો ઓળખી શકાય તેવો રહ્યો નહોતો. પોલીસને કોઈ ઓળખપત્ર પણ મળ્યું ન હોતું. તેની બાજુમાં ફક્ત એક કચરાની બેગ મળી આવી હતી તેથી પોલીસનું માનવું છે કે તે કચરો વીણવાવાળો હશે. પોલીસ તેને તાબડતોબ વીર સાવરકર હોસ્પિટલમાં લઈ ગઈ હતી પરંતુ ડોક્ટરે તેને મૃત ઘોષિત કર્યો હતો.
પોલીસે અજાણ્યા વાહનચાલક વિરૂદ્ધ બેદરકારીપૂર્વક વાહન હંકારીને મૃત્યુનું કારણ બનવા ઉપરાંત ઘટનાસ્થળેથી નાસી જવાની ફરિયાદ નોંધી છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/Jz0XOUEnFnbGHIncMaqbrw
