નવી મુંબઇના એક ૨૬ વર્ષના યુવાને માતા-પિતા સાથે ઝઘડો થયા બાદ ઘર છોડી દીધું હતું અને ત્રણ મહિનાથી એકલો રહેતો આ યુવાન યુ-ટયુબ પરથી જોઇ નકલી નોટ છાપવા માંડયો હતો. જોકે અંતે ફક્ત નવમાં ધોરણ સુધી ભણેલો આરોપી પ્રફુલ ગોવિંદ પાટિલ પોલીસના હાથે ઝડપાઇ ગયોહતો. પાટિલ ફોટોકોપી મશીન, કોટન પેપર, કટર સ્પાર્કલ સેલોટેપ અને આયર્ન બોક્સની મદદથી નકલી નોટો છાપી ચલણમાં વહેતી કલતો હતો. પોલીસને મળેલી ગુપ્ત માહિતીને આધારે ક્રાઇમબ્રાન્ચ સેન્ટ્રલ યુનિટના અધિકારીઓએ તળોજાના તોંડારે ગામના એક ઘર પર છાપો મારી પાટિલની રૂા.૨.૦૩ લાખની નકલી નોટ અને નોટ છાપવાના સાહિત્ય સાથે ધરપકડ કરી હતી.
આ સંદર્ભે એક પોલીસ અધિકારીએ જણાવ્યું હતું કે આરોપી નકલી નોટ છાપી રૂા.એક લાખની નકલી નોટ દસ હજાર રૂપિયામાં આપતો હતો. પોલીસના હાથે પકડાઇ ન જવાય તે આશયથી આરોપી રૂા.૧૦, ૨૦, ૫૦, ૧૦૦ અને ૨૦૦ રૂપિયા જેવી નાની ચલણની જ નોટો છાપતો હતો. પોલીસ સૂત્રોનુસાર તેના પાસે એજન્ટોની કોઇ મોટી સિન્ડીકેટ નહોતી તેથી તે અમૂક જાણીતા લોકોને જ ચલણમાં ઘુસાડવા નકલી નોટો આપતો હતો.
પોલીસે આરોપી પાસેથી ૫૦ રૂપિયાની ૫૭૪ નોટ, ૧૦૦ રૂપિયાની ૩૩ નોટ અને ૨૦૦ રૂપિયાની ૮૫૬ નોટ જપ્ત કરી હતી. આરોપી છેલ્લા ત્રણ મહિનાથી નકલી આવી જ એક ઘટનામાંથી પ્રેરણા લઇ નકલી નોટ છાપતો હતો જેમા એક સામાન્ય આરોપી સામાન્ય સેટ-અપની મદદથી નકલી નોટ છાપતો હતો. તે યુ-ટયુબ પર આ પ્રકારના વીડિયો જોતો અને નકલી નોટ છાપવા કોટન પેપરનો ઉપયોગ કરતો અને તેના પર કલર ફોટો કોપી કાઢી નકલી નોટ બનાવતો નોરોમાં ગ્રીન સિક્યોરિટી માર્ર માટે તે સ્પાર્કલ સેલોટેપનો ઉપયોગ કરતો હતો. આરોપીની પોલીસે આઇપીસીની કલમ ૪૮૯એ, ૪૮૯બી, ૪૮૯સી અને ૪૮૯ડી હેઠળ ધરપકડ કરી કોર્ટમાં હાજર કરતા ૨૦મે સુધીની કસ્ટડી ફટકારવામાં આવી હતી.
