મુલુન્ડમાં શિતલાદેવી રોડ, શિવકૃપા સોસાયટીમાં રહેતા અને પ્રોપર્ટી ખરીદી અને વેચાણનું કામ કરતા સચિન વાઘ (૫૧)એ રૂા. ૨૫ કરોડની લોન અપાવવાના બહાને મુરલીધરન નામની વ્યક્તિએ રૂા.૨૦,૫૩,૫૦૦ની છેતરપિંડી કરી હોવાની ફરિયાદ નવઘર પોલીસ સ્ટેશનમાં નોંધાવી છે.
ફરિયાદ મુજબ સચિન અને તેમના પત્ની સંયુક્ત નામ ધરાવતા નવી મુંબઈના પ્લોટનું ડેવલપમેન્ટ કરવા માટે તેમને રૂા.૨૫ કરોડની લોન જોઈતી હતી અને આ બાબતે તેમના મિત્રએ તેમનો પરિચય મુલુન્ડ (ઈ)માં જ રહેતા મુરલીધરન પન્નીકર સાથે કરાવ્યો હતો જેણે સચિનને વી.કે. એન્ટરપ્રાઈઝ ફાયનાન્સ કંપની મારફત રૂા. ૨૫ કરોડની લોન અપાવશે તેમજ લોન અપાવવા માટેના કમિશનની રકમ પેટે રૂા.૨૫,૫૩,૫૦૦ એડવાન્સમાં આપવા પડશે એવું જણાવ્યું. સચિને મુરલીધરન પર વિશ્વાસ કરીને ઓગસ્ટ ૨૦૨૨થી ઓક્ટો. ૨૦૨૨ સુધીમાં કમિશનની રકમ રૂા.૨૫,૫૩,૫૦૦ ટ્રાન્સફર કરી દીધી અને મુરલીધરને પ્રથમ ૧ કરોડ રૂપિયાની લોન મંજૂરી કરાવી જેનો ચેક બેંકમાં અપૂરતા ફંડને કારણે બાઉન્સ થયો.
ત્યારબાદ મુરલીધરન લોનની રકમ અંગે ગલ્લાતલ્લાં કરવા માંડયો જેથી સચિનને શંકા જતાં તેણે મુરલીધરનને કમિશનની રકમ પરત કરવા જણાવ્યું, જેનો તેણે સાફ ઈન્કાર કરી દીધો. તેથી સચિને તેને પોલીસ ફરિયાદ કરવાની ધમકી આપતા તેણે કમિશનની સંપૂર્ણ રકમ ધરાવતા બે ચેક સચિનને આપ્યા જે ફરી બાઉન્સ થયા. ત્યારબાદ મુરલીધરને રૂા.૫ લાખ સચિનના બેંક ખાતામાં ટ્રાન્સફર કર્યા પરંતુ સચિને બાકીની રકમ માંગતા મુરલીધરને બેશરમીથી મારી પાસે પૈસા નથી, તમને જે કરવું હોય તે કરી લો એવો જવાબ આપતા સચિને ૨૩ માર્ચના મુરલીધરન વિરૂદ્ધ છેતરપિંડીની ફરિયાદ પોલીસ સ્ટેશનમાં નોંધાવી હતી.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં. Join Gurjarbhoomi’s What’s app Community for regular updates by clicking d link given below… https://chat.whatsapp.com/FUuyFAF4F2mJbjriRJ3hLH