અંધેરી પશ્ચિમ વિસ્તારમાં સોમવારે બપોરે બેસ્ટની એક ઇલેક્ટ્રિક એસી બસ બેકાબૂ બની જતાં ચેઇન અકસ્માત સર્જાયો હતો. આ અકસ્માતમાં ઓછામાં ઓછા ત્રણ લોકો ઘાયલ થયા હતા. ઘટનાને પગલે વિસ્તારમાં થોડા સમય માટે ટ્રાફિક વ્યવસ્થા ખોરવાઈ ગઈ હતી.
મળતી માહિતી મુજબ, અંધેરી બસ સ્ટેશન અને વર્સોવા વચ્ચે રૂટ નંબર 221 પર દોડતી બેસ્ટ બસ બપોરે લગભગ 12 વાગ્યે ગોખલે બ્રિજ સિગ્નલ નજીક પહોંચી હતી. આ દરમિયાન અચાનક હેન્ડબ્રેક છૂટી જતાં બસે ઝડપ પકડી લીધી હતી. બેકાબૂ બનેલી બસ ચાર ઓટોરિક્ષા, એક એર્ટિગા કાર અને એક એક્ટિવા સાથે અથડાઈ હતી.
અકસ્માતમાં ઓટોરિક્ષા ચાલક એન.સી. શેખ (55), રાહદારી મનોજકુમાર બાજદેવ (30) અને એક્ટિવા ચાલક અનિસ નિસાર ધારી (20) ઘાયલ થયા હતા. શેખને નાકમાં ઈજા થઈ હતી, જ્યારે બાજદેવને ગરદનના ભાગે અને ધારીને કમરની જમણી બાજુએ ઈજા પહોંચી હતી. તમામ ઘાયલોને સારવાર માટે કૂપર હોસ્પિટલમાં ખસેડવામાં આવ્યા હતા.
ઘટનાની જાણ બસના કંડક્ટરે અંધેરી પોલીસને કરી હતી. ત્યારબાદ પોલીસ, અકસ્માત નિરીક્ષકો અને પીએમઆઈ બસ નિરીક્ષકો ઘટનાસ્થળે પહોંચ્યા હતા. ઓશિવારા ડેપોની આ બસ વેટ-લીઝ કોન્ટ્રાક્ટર પીએમઆઈ દ્વારા સંચાલિત હોવાનું જાણવા મળ્યું છે. પોલીસે બસને વધુ તપાસ અને કાનૂની કાર્યવાહી માટે કુમકુમ ચોકી ખાતે રાખી છે.
ઉલ્લેખનીય છે કે છેલ્લા ત્રણ મહિનામાં બેસ્ટ બસો સાથે સંકળાયેલા 21 નાના-મોટા અકસ્માતો નોંધાયા છે, જેમાં મોટાભાગના બનાવોમાં વેટ-લીઝ બસો સામેલ રહી છે. તાજેતરની ઘટનાએ મુસાફરોની સુરક્ષા અને બસોના જાળવણી ધોરણોને લઈને ફરી પ્રશ્નો ઊભા કર્યા છે.
https://youtube.com/watch?v=H_mLyCT1CeE%3Ffeature%3Doembed
FREE….FREE….FREE….
ગુર્જરભૂમિ ન્યૂઝ પેપર તેના વાચકોનું હંમેશા ખાસ ધ્યાન રાખે છે! છેલ્લા 3 મહિનામાં કાલિદાસ, ગડકરી રંગાયતન ખાતે આયોજિત મ્યુઝિકલ પ્રોગ્રામ અને નાટકો જેવી શાનદાર 7 ઇવેન્ટ્સની ફ્રી ટિકિટ્સ આપ્યા બાદ, અમે ફરી એકવાર તમારા માટે લાવી રહ્યા છીએ એક ખાસ ભેટ. તો તૈયાર રહેજો બીજા 2 શાનદાર પ્રોગ્રામ માટે… ટૂંક સમયમાં જ વધુ વિગતો ગુર્જરભૂમિ ન્યૂઝ પેપરના whatsapp ગ્રુપમાં જાહેર થશે. તો જોવાનું ભૂલતા નહીં… આ લીંક પર ક્લીક કરી વોટ્સએપ ગ્રુપમાં જોઈન થઈ જાઓ https://chat.whatsapp.com/DdFad7rsnnz87CrgiWK9r7
હજી પણ વાર્ષિક લવાજમ ન લીધું હોય તો તમારા અખબાર વિક્રેતાને સંપર્ક કરી ફક્ત 250/- રૂપિયામાં વહેલી તકે લવાજમ લઈને આ ઓફરનો લાભ લ્યો. For more details… Contact 9322529232 / 9324483455
