મુલુન્ડ (વેસ્ટ)ના એમ. જી. રોડ પર આવેલા એક જાણીતા જ્વેલરી શોરૂમમાં કામ કરતા ૨૨ વર્ષીય કર્મચારી ભવાની મહેન્દ્રસિંગે લોકરમાંથી હાથસફાઈ કરી રૂ. ૫૦,૦૦૦ની ચોરી કરી હોવાનો કિસ્સો સામે આવ્યો છે. શોરૂમના માલિક ની ફરિયાદના આધારે મુલુન્ડ પોલીસે ગુનો નોંધી આરોપીની શોધખોળ હાથ ધરી છે.
તપાસ દરમિયાન ભોપાળું છતું થયું: ૧૨ ઓગસ્ટે રાત્રે શોરૂમ બંધ કરતી વખતે માલિકને હિસાબમાં રૂ. ૫૦ હજારની ઘટ જણાઈ હતી. શરૂઆતમાં કોઈ ટેકનિકલ કે એકાઉન્ટિંગ ભૂલ હોવાનું લાગ્યું હતું. જોકે, બીજા દિવસે ફરીથી કેશ ગણતરી કરતી વખતે પણ એટલી જ રકમ ઓછી નીકળતાં ચોરીની શંકા દ્રઢ બની હતી.
CCTV ફૂટેજ અને આરોપીનું પલાયન: માલિક અને તેમના પુત્રએ દુકાનના સીસીટીવી કેમેરાના ફૂટેજ ચકાસતાં ચોંકાવનારો ખુલાસો થયો હતો. કર્મચારી ભવાનીસિંગ અત્યંત સિફતપૂર્વક લોકરમાંથી રોકડ સરકાવતો નજરે પડ્યો હતો.
પોલીસ ફરિયાદ અને ઘટનાની ક્રમબદ્ધ વિગત:
- ભેદ ખુલવાની ગંધ આવતાં જ છટકી ગયો: સીસીટીવી ચકાસાઈ રહ્યા હોવાની શંકા જતાં જ આરોપી ભવાનીસિંગ ‘જમવા જાઉં છું’ તેમ કહીને શોરૂમમાંથી બહાર નીકળી ગયો હતો.
- ફોન સ્વિચ ઓફ અને ઘર છોડી ભાગ્યો: બહાર ગયા બાદ તેણે માલિકનો ફોન ઉપાડવાનું બંધ કરી દીધું હતું. શોરૂમની ઉપર આવેલા પૂર્ણિમા બિલ્ડિંગ સ્થિત તેના નિવાસ્થાને પણ તે રાત સુધી પાછો ન ફરતાં તે ફરાર થઈ ગયાનું સ્પષ્ટ થયું હતું.
આ મામલે મુલુન્ડ પોલીસે ગુનો નોંધી ફરાર કર્મચારીને ઝડપી પાડવા ચક્રો ગતિમાન કર્યા છે.
https://youtube.com/watch?v=H_mLyCT1CeE%3Ffeature%3Doembed
FREE….FREE….FREE….
ગુર્જરભૂમિ ન્યૂઝ પેપર તેના વાચકોનું હંમેશા ખાસ ધ્યાન રાખે છે! છેલ્લા 3 મહિનામાં કાલિદાસ, ગડકરી રંગાયતન ખાતે આયોજિત મ્યુઝિકલ પ્રોગ્રામ અને નાટકો જેવી શાનદાર 7 ઇવેન્ટ્સની ફ્રી ટિકિટ્સ આપ્યા બાદ, અમે ફરી એકવાર તમારા માટે લાવી રહ્યા છીએ એક ખાસ ભેટ. તો તૈયાર રહેજો બીજા 2 શાનદાર પ્રોગ્રામ માટે… ટૂંક સમયમાં જ વધુ વિગતો ગુર્જરભૂમિ ન્યૂઝ પેપરના whatsapp ગ્રુપમાં જાહેર થશે. તો જોવાનું ભૂલતા નહીં… આ લીંક પર ક્લીક કરી વોટ્સએપ ગ્રુપમાં જોઈન થઈ જાઓ https://chat.whatsapp.com/DdFad7rsnnz87CrgiWK9r7
હજી પણ વાર્ષિક લવાજમ ન લીધું હોય તો તમારા અખબાર વિક્રેતાને સંપર્ક કરી ફક્ત 250/- રૂપિયામાં વહેલી તકે લવાજમ લઈને આ ઓફરનો લાભ લ્યો. For more details… Contact 9322529232 / 9324483455
