મુલુન્ડ ઈસ્ટમાં આવેલી મ્હાડા કોલોનીમાંથી એક ચોંકાવનારો કિસ્સો સામે આવ્યો છે, જ્યાં ૧૭ વર્ષની એક સગીર વયની છોકરી અચાનક ગુમ થઈ જતાં વિસ્તારમાં ચિંતાનો માહોલ સર્જાયો છે. આ મામલે સગીરાના પિતાની ફરિયાદના આધારે નવઘર પોલીસે અજાણ્યા શખ્સ સામે અપહરણનો ગુનો નોંધી વધુ તપાસ હાથ ધરી છે.
દવાખાને ગયેલા પિતાને ફોન પર જાણ થઈ
બનાવની વિગત એવી છે કે, ગઈ ૨૫ જુલાઈના રોજ સગીરાના પિતા તેમની પરિણીત પુત્રીને સારવાર અર્થે દવાખાને લઈ ગયા હતા. આ દરમિયાન ઘરે રહેલી તેમની બીજી પુત્રીએ પિતાને ફોન કરીને જાણ કરી હતી કે ૧૭ વર્ષની બહેન હજુ સુધી ઘરે પહોંચી નથી.
શોધખોળ બાદ પત્તો ન મળતા પોલીસમાં દોડધામ
સામાન્ય રીતે સગીરા મોડી બપોરે ૪.૩૦ વાગ્યા સુધીમાં ઘરે આવી જતી હોય છે. પરંતુ તે ન આવતાં ચિંતિત પરિવારે આસપાસના વિસ્તારમાં તેમજ તમામ સગા-સંબંધીઓને ત્યાં તપાસ કરી હતી. તમામ જગ્યાએ શોધખોળ કરવા છતાં દીકરીનો કોઈ પત્તો લાગ્યો નહોતો.
અપહરણની શંકા સાથે પોલીસ ફરિયાદ
કોઈ અજાણ્યો શખ્સ પોતાની સગીર દીકરીને લાલચ આપીને કે ફોસલાવીને અપહરણ કરી ગયો હોવાની દ્રઢ શંકા જતાં પિતાએ આખરે નવઘર પોલીસ સ્ટેશનનો સંપર્ક કર્યો હતો. પોલીસે પિતાની ફરિયાદના આધારે ગુનો નોંધીને વિસ્તારના સીસીટીવી ફુટેજ તેમજ સ્થાનિક નેટવર્ક આધારે સગીરાની ભાળ મેળવવા ચક્રો ગતિમાન કર્યા છે.
https://youtube.com/watch?v=H_mLyCT1CeE%3Ffeature%3Doembed
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું…https://chat.whatsapp.com/K6C4Xaobu807y4luCKlLH5
For more details… Contact 9322529232 / 9324483455
