જુનિયર મેન્ટલ કેલ્ક્યુલેશન વર્લ્ડ ચેમ્પિયનશિપમાં અંડર-15 કેટેગરીમાં ટોપ-5માં સ્થાન; બ્રોન્ઝ મેડલથી માત્ર 20 પોઇન્ટ દૂર
કચ્છના રાયણ ગામ સાથે જોડાયેલી 13 વર્ષની નિવા સેજલ વિશાલ ગડાએ જર્મનીના બielefeld ખાતે યોજાયેલી પ્રતિષ્ઠિત Junior Mental Calculation World Championship 2026માં શાનદાર પ્રદર્શન કરીને આંતરરાષ્ટ્રીય સ્તરે પોતાની પ્રતિભાનો પરચો આપ્યો છે. આ વિશ્વસ્તરીય સ્પર્ધામાં 14 દેશોના આશરે 100 સ્પર્ધકોએ ભાગ લીધો હતો. નિવાએ સૌથી મોટી કેટેગરી પૈકીની એક એવી અંડર-15 કેટેગરીમાં 2,603 પોઇન્ટ મેળવી ટોપ-5માં સ્થાન મેળવ્યું હતું. તે બ્રોન્ઝ મેડલથી માત્ર 20 પોઇન્ટ પાછળ રહી હતી.
નિવા છેલ્લા 8 વર્ષથી મેન્ટલ મેથેમેટિક્સની નિયમિત પ્રેક્ટિસ કરી રહી છે. નાની ઉંમરથી જ ગણિત પ્રત્યેની તેની રુચિને મેન્ટલ કેલ્ક્યુલેશનની સઘન તાલીમ દ્વારા વિકસાવવામાં આવી છે. ઝડપી ગણતરી, ચોકસાઈ, એકાગ્રતા અને સતત પ્રેક્ટિસ તેના પ્રદર્શનની મુખ્ય વિશેષતાઓ છે.
વિડિયો જોવા લિંક પર ક્લિક કરો… https://www.instagram.com/reel/DdByeVVsP-t/?stkn=MXNwNmhnY2pjaGRjNw==
આ પહેલીવાર નથી કે નિવાએ આ પ્રતિષ્ઠિત સ્પર્ધામાં પોતાની છાપ છોડી હોય. 2024માં યોજાયેલી Junior Mental Calculation World Championshipમાં પણ નિવાએ બ્રોન્ઝ મેડલ મેળવ્યો હતો. બે વર્ષ બાદ ફરીથી વિશ્વસ્તરની આ જ સ્પર્ધામાં અંડર-15 કેટેગરીમાં ટોપ-5માં સ્થાન મેળવવું તેની સતત પ્રગતિનું પ્રતિબિંબ છે.
નિવાની આ સફળતા પાછળ તેની સતત મહેનત અને આઠ વર્ષના નિયમિત અભ્યાસની સાથે તેની માતા સેજલ વિશાલ ગડાનો પણ મહત્વપૂર્ણ ફાળો રહ્યો છે. નિવાની તાલીમ, દૈનિક પ્રેક્ટિસ અને આંતરરાષ્ટ્રીય સ્પર્ધાઓની તૈયારીમાં સેજલ સતત તેની સાથે રહી છે.
કચ્છના રાયણ ગામની આ દીકરીએ જર્મનીની ધરતી પર વિશ્વસ્તરીય સ્પર્ધામાં મેળવેલી આ સિદ્ધિ સમગ્ર કચ્છ અને ગુજરાત માટે ગૌરવની બાબત બની છે. વિવિધ દેશોના પ્રતિભાશાળી યુવા સ્પર્ધકો વચ્ચે ટોપ-5માં સ્થાન મેળવી નિવાએ વૈશ્વિક મંચ પર પોતાની ક્ષમતા વધુ એક વખત સાબિત કરી છે.
નિવાની આ સફર સતત મહેનત, શિસ્ત અને એકાગ્રતાનું ઉદાહરણ છે. આંતરરાષ્ટ્રીય મંચ પર મળેલી આ સિદ્ધિ સાથે હવે તેની નજર મેન્ટલ કેલ્ક્યુલેશન ક્ષેત્રે વધુ નવી ઊંચાઈઓ હાંસલ કરવા પર છે.
Join Gurjarbhoomi Whats App Community by clicking the link follows… https://chat.whatsapp.com/Lq3zyzww3SV9hJK04b1VVA
For more details… Contact 9322529232 / 9324483455
About the Author
