- કાચા માલ કરતા સસ્તી ફિનિશ્ડ પ્રોડક્ટ પર ઓછી ડયૂટીથી ઉદ્યોગોને અસર
- મેન્યુફેક્ચરિંગ સ્પર્ધાત્મકતા વધારવા માટે પગલાં લેવાશે
- કાચા માલ કરતાં ફિનીશ્ડ પ્રોડક્ટ્સ ઉપર ઓછી ડયૂટી હોય છે
કેન્દ્ર સરકાર આગામી બજેટમાં કસ્ટમ ડયૂટીના માળખામાં આમૂલ ફેરફાર તોળાઇ રહ્યો છે. ખાસ કરીને ઉલ્ટા ડયૂટી સ્ટ્રકચરના કારણે મેન્યુફેકચરિંગ સ્પર્ધાત્મકતાને અસર જે ક્ષેત્રમાં પડે છે તેની યાદી મેળવવામાં આવી છે.
ઉદ્યોગોની આ સમસ્યા હલ કરવા માટે સરકારે કાર્યવાહી શરૂ કરી છે. આગામી પૂર્ણ બજેટમાંકેટલીક પ્રોડક્ટ્સની યાદી મેળવવામાં આવી છે તેમાં વોશિંગ મશીન્સ, એર પ્યુરિફાયર્સ, સોલર ગ્લાસ, કાગળ, ફર્નિચર, એપેરલ અને જ્વેલરીનો સમાવેશ થાય છે. આમાની કેટલીક પ્રોડક્સ તો મેઇક ઇન ઇન્ડિયા અભિયાનની યાદીમાં છે.
ઇન્વર્ટેડ ડયૂટી સ્ટ્રકચરમાં એવી પરિસ્થિતિ હોય છે જેમાં કાચામાલ ઉપર વધુ ડયૂટી ફિનીશ્ડ પ્રોડક્ટ્સ કરતાં વધુ હોય છે. વિદેશ વેપારમાં ફિનીશ્ડ્ પ્રોડક્ટ્સ ઉપર ડયુટી તેના ઉત્પાદનમાં વપરાતા કાચા માલ કરતાં ઓછી હોય છે. જેથી સ્થાનિક ઉત્પાદકોને ગેરલાભ થાય છે.
સ્થાનિક કરવેરામાં જીએસટીમાં કરમાળખામાં ઇન્વર્ટેડ ડયૂટી સ્ટ્રકચરથી ઇનપુટ ઉપર ચૂકવેલા ટેક્સની ક્રેડિટ મેળવવા માટે ઉત્પાદકોને અવરોધનો સામનો કરવો પડે છે.
ઘણા ઉત્પાદનો જીએસટી અને કસ્ટમ્સમાં ઘણી કોમોડીટીમાં આવા માળખાને સુધારવું જરૂરી બન્યું છે. વાણિજ્ય અને ઉદ્યોગ મંત્રાલયે ઇન્વર્ટેડ ડયૂટી સ્ટ્રકચરમાં હોય તેવી પ્રોડક્ટ્સની યાદી આપી છે. આ યાદી ઉદ્યોગ સંગઠનો અને એક્સપોર્ટ પ્રમોશન કાઉન્સિલની સાથે સંકલનમાં રહીને બનાવવામાં આવી છે.
કાગળ ઉદ્યોગમાં કાચામાવા (પલ્પ) ઉપર 12 ટકા સામે ફિનીશ્ડ્ પ્રોડક્ટ્સ ઉપર 5 ટકા ડયૂટી છે. જેના પગલે ફિનીશ્ડ્ પેપરની આયાત વધુ થાય છે. ગત વર્ષે એપ્રિલથી ફેબ્રુઆરીમાં આ પેપર, પેપર બોર્ડ સહિતની કુલ આયાત 3.6 બિલિયન ડોલર રહી હતી. જ્યારે પલ્પ અને વેસ્ટ પેપરની આયાત 1.7 બિલિયન ડોલર રહી હતી. વોશિંગ મશીન, એર પ્યુરીફાયર વગેરેમાં પણ આવી જ સ્થિતિ છે. એપેરલ અને ફેબ્રિક્સમાં પણ આવી જ સ્થિતિ છે. સોલર ગ્લાસ ઉપર 15 ટકા ડયૂટી છે, પણ સ્થાનિક ઉદ્યોગોને ચીન અને વિયેતનામના ડંપીગનો સામનો કરવો પડે છે. ડાયરેકટર જનરલ ઓફ ટ્રેડ રેમેડિસએ આ અંગે તપાસ કરી હતી.
ઇન્વર્ટેડ ડયૂટી સ્ટ્રક્ચરની સમસ્યા હલ થશે
ઇન્વર્ટેડ ડયૂટી સ્ટ્રકચરમાં એવી સ્થિતિ હોય છેકે જ્યાં કાચા માલ કરતાં ફિનીશ્ડ પ્રોડક્ટ્સ ઉપર ઓછી ડયૂટી હોય છે.? વોશિંગ મશીન, એર પ્યુરીફાયર, સોલર ગ્લાસ, એપેરલ, પેપર , જ્વેલરી વગેરેની યાદી બનાવાઇ છે.? જેમાંની કેટલીક પ્રોડક્ટ્સ તો મેઇક ઇન ઇન્ડિયા હેઠળ ખાસ ધ્યાન ખેચે છે.
