લાડકી બહેન યોજનાનો લાભ લેનારા સરકારી કર્મચારીઓ પર હવે કાર્યવાહી કરવામાં આવશે. મહિલા અને બાલવિકાસ વિભાગે આવા 1 હજાર 183 સરકારી કર્મચારીઓની યાદી ગ્રાવિકાસ વિભાગને મોકલી છે. ગ્રામવિકાસ વિભાગે જિલ્લા પરિષદના મુખ્ય કાર્યકારી અધિકારીઓ માટે આ સંદર્ભે પરિપત્ર કાઢ્યો છે અને આ કર્મચારીઓ પર શિસ્તભંગની કાર્યવાહી કરવાનો આદેશ આપ્યો છે. રાજ્યમાં ગયા વર્ષે જુલાઈથી મુખ્યમંત્રી મારી લાડકી બહેન યોજના શરૂ કરવામાં આવી. આ યોજના અંતર્ગત લાભાર્થી મહિલાઓને દર મહિને 1500 રૂપિયા આપવામાં આવે છે.
સરકારે આ યોજનામાં પાત્ર બનવા ધોરણ નિશ્ચિત કર્યા છે. જો કે ચૂંટણીના સમયે જાહેર કરવામાં આવેલી આ યોજનામાં ચકાસણી પર વધુ ભાર મૂકવામાં આવ્યો ન હોવાથી ધોરણમાં બંધબેસતા ન હોય એવા અનેક જણે યોજનાનો લાભ લીધાનું જણાઈ આવ્યું. એમાં જિલ્લા પરિષદના અધિકારી, કર્મચારીઓનો પણ સમાવેશ હોવાની માહિતી અને ટેકનિકલ વિભાગ તરફથી મળેલી માહિતીમાં જણાયું હતું.
મહિલા અને બાલવિકાસ વિભાગે માહિતી અને ટેકનિકલ વિભાગે આપેલી આ યાદી તરત ગ્રામવિકાસ વિભાગને મોકલી આપી છે. ગ્રામવિકાસ વિભાગ તરફથી મુખ્ય કાર્યકારી અધિકારીને આ સંદર્ભે નિર્દેશ આપવામાં આવ્યો છે. લાભ લેનારા આવા કર્મચારીઓ પર મહારાષ્ટ્ર નાગરી સેવા નિયમ અંતર્ગત કાર્યવાહી કરવી એવો નિર્દેશ ગ્રામવિકાસ ખાતાએ તમામ જિલ્લા પરિષદના મુખ્ય કાર્યકારી અધિકારીઓને આપ્યો છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
For more details… Contact 9322529232 / 9324483455
