મહારાષ્ટ્રના રાજકારણમાં છેલ્લા કેટલાક દિવસોથી રાજ ઠાકરે અને ઉદ્ધવ ઠાકરે વચ્ચે પુનઃમિલનની ચર્ચા ચાલી રહી હતી, પરંતુ ગુરુવારે સવારે રાજ ઠાકરે અચાનક મુખ્ય મંત્રી દેવેન્દ્ર ફડણવીસને મળ્યા. આ મુલાકાતથી ઉદ્ધવ ઠાકરેને મોટો ફટકો પડ્યો હોવાનું માનવામાં આવે છે, જેઓ મનસે સાથે ગઠબંધન અંગે સકારાત્મક હતા. ખાસ કરીને, રાજ ઠાકરે તેમના ભાઈ ઉદ્ધવ સાથે ગઠબંધન કરશે કે ભાજપ સાથે રહેશે તે પ્રશ્ન પણ આ પ્રસંગે રાજકીય વર્તુળોમાં ચર્ચાઈ રહ્યો છે.
ફડણવીસ અને મહારાષ્ટ્ર નવનિર્માણ સેનાના પ્રમુખ રાજ ઠાકરે 12 જૂને સવારે મુંબઈની તાજ લેન્ડ્સ એન્ડ હોટેલમાં મળ્યા હતા. આ મુલાકાત માટે રાજ ઠાકરે પહેલા હોટેલ પહોંચ્યા હતા. ત્યાર બાદ અડધા કલાકમાં ફડણવીસ ત્યાં પહોંચ્યા હતા. બંને નેતાઓ વચ્ચે લગભગ દોઢ કલાક સુધી લાંબી ચર્ચા થઈ. તેમાં કયા મુદ્દાઓ પર ચર્ચા થઈ તે સ્પષ્ટ નથી.
પરંતુ આગામી સ્થાનિક સ્વરાજ્યની ચૂંટણીઓની પૃષ્ઠભૂમિમાં આ બંને નેતાઓ એકસાથે આવ્યા હોવાનું કહેવાય છે.ઉદ્ધવ શાસક મહાયુતિમાં સામેલ બે પક્ષો, ભાજપ અને શિવસેના શિંદે જૂથનો સખત વિરોધ કરે છે. બીજી તરફ, રાજ ઠાકરેના આ બંને પક્ષો સાથે સારા સંબંધો છે. ખાસ કરીને, તેમનો ફડણવીસ અને ઉપ મુખ્ય મંત્રી એકનાથ શિંદે સાથે સારો સંબંધ છે. આ બંને નેતાઓ ઘણી વાર રાજના દાદર સ્થિત નિવાસસ્થાન શિવતીર્થ પર આવે છે.
રાજ ઠાકરેને મહાયુતિમાં લાવવા માટેનો પ્રયાસ રાજ અને ઉદ્ધવ બંનેમાં વિશ્વાસ રાખનારા લોકોનો એક મોટો વર્ગ મુંબઈ, નાશિક અને થાણે જેવા શહેરી વિસ્તારોમાં છે. તેથી, જો આ બંને નેતાઓ સાથે આવે છે, તો તેની આગામી મહાપાલિકાઓની ચૂંટણીઓ પર મોટી અસર પડી શકે છે. ફડણવીસે આ જ બાબત જોઈને રાજને પોતાની તરફ ફેરવવાનો પ્રયાસ શરૂ કરી દીધો છે. આ બેઠક આ પ્રયાસોનો એક ભાગ હોવાનું માનવામાં આવે છે.
રાજ ઠાકરે યોગ્ય સમયે માહિતી આપશે આ મામલે મનસે નેતા સંદીપ દેશપાંડેએ કહ્યું કે, મને બિલકુલ ખ્યાલ નથી. યોગ્ય સમય આવશે ત્યારે રાજ ઠાકરે આ વિશે વાત કરશે. અનિલ પરબે કહ્યું અમે મરાઠી લોકોનું ગઠબંધન બનાવવાનો પ્રયાસ કરી રહ્યા છીએ. અમને અપેક્ષા હતી કે રાજ આનો જવાબ આપશે, પરંતુ અમને હજુ સુધી ખબર નથી કે ગુરુવારે ફડણવીસ-રાજની મુલાકાતમાં શું ચર્ચા થઈ અને તેની વિગતો શું છે, તેથી તેના વિશે વાત કરવી યોગ્ય નથી.
