શિક્ષિત બેરોજગારોને નિશાન બનાવતી સાયબર ગુનેગારોની ટોળકીએ મુંબઈની એક ૨૧ વર્ષીય યુવતી સાથે ૨૭૧,૧૫૦ની છેતરપિંડી કરી છે. એરપોર્ટ પર પ્રતિષ્ઠિત એરલાઇન્સમાં નોકરી મળવાની લાલચમાં યુવતીએ પોતાની મહેનતની કમાણી ગુમાવી દીધી છે. એન્ટોપ હિલ પોલીસે આ મામેલ ગુનો નોંધી જે બેંક ખાતાઓમાં પૈસા ટ્રાન્સફર થયા છે તેની તપાસ તેજ કરી છે.
કેવી રીતે શરૂ થઈ છેતરપિડીની જાળ?
પીડિત યુવતીએ એક જોબ પોર્ટલ પર પોતાની પ્રોફાઇલ અપલોડ કરી હતી, જેનો લાભ ઉઠાવી ઠગબાજોએ તેનો સંપર્ક કર્યો હતો. યુવતીને જણાવવામાં આવ્યું હતું કે તેની પસંદગી એક મોટી એરલાઇન્સમાં થઈ છે. વિશ્વાસ જીતવા માટે શરૂઆતમાં એરપોર્ટ ઇન્ટરવ્યુ માટે ‘ગેટ પાસ’ બનાવવાના બહાને માત્ર ₹૧,૬૫૦ યૂઆર કોડ (QR Code) દ્વારા મંગાવ્યા હતા. એકવાર વિશ્વાસ બેસી ગયા બાદ ઠગોએ અલગ-અલગ ચાર્જિસ વસૂલવાનું શરૂ કર્યું હતું.
યુનિફોર્મ અને ડિપોઝિટના નામે ટુકડે-ટુકડે પડાવ્યા નાણાં ઠગબાજોએ અત્યંત આયોજનબદ્ધ રીતે યુવતી પાસેથી નીચે મુજબના વ્યવહારો કરાવ્યા હતાઃ યુનિફોર્મ સિક્યુરિટી ડિપોઝિટ: ₹૧૫,૫૦૦ ડોક્યુમેન્ટેશન ચાર્જ: ₹૨૫,૫૧૦ કિટ ફી: ₹૨૮,૫૦૦ કુલ ₹૭૧,૧૫૦ પડાવ્યા બાદ જ્યારે યુવતીએ જોઈનિગ લેટર વિશે પૂછ્યું, ત્યારે ઠગોએ પોતાના ફોન સ્વીચ ઓફ કરી દીધા હતા અને વોટ્સએપ પર બ્લોક કરી સંપર્ક તોડી નાખ્યો હતો.
પોલીસ કાર્યવાહી અને સાયબર હેલ્પલાઇન છેતરપિંડીનો અહેસાસ થતા યુવતીએ તાત્કાલિક સાયબર હેલ્પલાઇન ૧૯૩૦ પર જાણ કરી હતી. એન્ટોપ હિલ પોલીસે ‘ભારતીય ન્યાય સંહિતા’ (BNS) અને ‘IT એકટ’ ની કલમ 66(D) હેઠળ ગુનો નોંધ્યો છે. પોલીસે યુવાનોને ચેતવણી આપી છે કે કોઈપણ પ્રતિષ્ઠિત એરલાઇન્સ કે કંપની નોકરી આપવા માટે ક્યારેય ગેટ પાસ કે યુનિફોર્મ માટે એડવાન્સ પૈસા માંગતી નથી. આવા ફેક કોલ્સ અને કક્યૂઆર કોડથી સાવધ રહેવું.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું https://chat.whatsapp.com/JBcuZPbs8c13mKBrrfFfga
For more details… Contact 9322529232 / 9324483455
