મુંબઈના વાહનવ્યવહારને સુચારુ બનાવવા માટે બૃહન્મુંબઈ મ્યુનિસિપલ કોર્પોરેશન (BMC) દ્વારા હાથ ધરાયેલા બે મોટા ઈન્ફ્રાસ્ટ્રક્ચર પ્રોજેક્ટ્સ પર ઝડપથી કામ ચાલી રહ્યું છે. 112 વર્ષ જૂના સાયન રેલવે બ્રિજનું પુનઃનિર્માણ કામ અંતિમ તબક્કામાં પહોંચી ગયું છે, જેને ટેન્ડરની સમયમર્યાદા કરતાં 4 મહિના વહેલા એટલે કે 15 ઓક્ટોબર 2026 સુધીમાં પૂર્ણ કરવાનો લક્ષ્યાંક રખાયો છે. આ સિવાય ભાયખલાના સિતારામ સિલામ Y બ્રિજને JJ ફ્લાયઓવર સાથે જોડતા નવા લિંક રોડનું 22% કામ પૂર્ણ થઈ ગયું છે.
એડિશનલ મ્યુનિસિપલ કમિશનર (પ્રોજેક્ટ્સ) અભિજીત બાંગરે બંને પ્રોજેક્ટ સ્થળોનું નિરીક્ષણ કર્યું હતું અને કામગીરી ઝડપી બનાવીને નિયત સમય પહેલાં ટ્રાફિક માટે બ્રિજ ખુલ્લા મૂકવા સૂચના આપી હતી.
સાયન રેલવે બ્રિજ પુનઃનિર્માણ:
- કારણ: CSMT અને કુર્લા વચ્ચે મુંબઈ અર્બન ટ્રાન્સપોર્ટ પ્રોજેક્ટ (MUTP-2) હેઠળ 5મી અને 6ઠ્ઠી રેલવે લાઈન બિછાવવા માટે આ જર્જરિત બ્રિજનું નિર્માણ કરાઈ રહ્યું છે.
- રેલવે અને પાલિકાનું સંકલન: રેલવે ટ્રેક પરનો મુખ્ય બ્રિજ સેન્ટ્રલ રેલવે દ્વારા અને એપ્રોચ રોડનું કામ BMCના બ્રિજ ડિપાર્ટમેન્ટ દ્વારા થઈ રહ્યું છે. પ્રોજેક્ટનું સંપૂર્ણ ફંડિંગ રેલવે દ્વારા કરવામાં આવ્યું છે.
- પરિમાણ: નવો બ્રિજ 54.5 મીટર સિંગલ સ્પાન અને 29 મીટર પહોળો હશે.
- હાલની સ્થિતિ: 500 ટનના ગિર્ડર પર ડેક સ્લેબનું કોંક્રીટિંગ પૂર્ણ થઈ ગયું છે. ધારાવી તરફનો પશ્ચિમ દિશાનો એપ્રોચ રોડ અંતિમ તબક્કામાં છે, જ્યારે પૂર્વ દિશા તરફની જમીન રેલવે તરફથી સોંપાયા બાદ કામ શરૂ કરી દેવાયું છે.
ભાયખલા-JJ ફ્લાયઓવર લિંક પ્રોજેક્ટ:
- હેતુ: ભાયખલા-નાગપાડા-મઝગાંવ કોરિડોર અને સર જે.જે. રોડ પરના ટ્રાફિક જામને હળવો કરવા આ ફ્લાયઓવર બનાવવામાં આવી રહ્યો છે.
- પ્રોજેક્ટની ખાસિયતો: આ લિંકમાં 230 મીટર લાંબો કેબલ-સ્ટેડ બ્રિજ, 312 મીટરનો વાયડક્ટ અને પૂર્વ-પશ્ચિમ દિશાને જોડતી આર્મ્સ (શાખાઓ) સમાવિષ્ટ છે. મુખ્ય બ્રિજ 4-લેનનો રહેશે.
- પ્રગતિ: આ પ્રોજેક્ટ હાલમાં 22% પૂરો થયો છે અને તેને મે 2028ની ડેડલાઈન પહેલા પૂર્ણ કરવાનો પ્રયાસ છે.
બાંગરે દક્ષિણ મુંબઈના આ ગીચ વિસ્તારમાં ટ્રાફિક મેનેજમેન્ટ અને રાહદારીઓની સલામતીને પ્રાધાન્ય આપવા માટે અધિકારીઓને ખાસ કડક સૂચનાઓ આપી છે.
Join Gurjarbhoomi Whats App Community by clicking the link follows… https://chat.whatsapp.com/Lq3zyzww3SV9hJK04b1VVA
For more details… Contact 9322529232 / 9324483455
About the Author
