સરહદ ઉપર લડીને માતૄભૂમિની રક્ષા કરનારા જવાનોને બિરદાવવા માટે મહાનગર મુંબઇમાં મહિલાઓ દ્વારા સિંદુર યાત્રાનું આયોજન કરવામાં આવ્યું છે. મંગળવાર, ૨૦ મે, ૨૦૨૫ ના રોજ, મહારાષ્ટ્રમાં પહેલી વાર, ભારતીય સેનાની બહાદુરીને શ્રદ્ધાંજલિ આપવા માટે મહિલાઓ દ્વારા ‘સિંદૂર યાત્રા’નું આયોજન થશે. આ યાત્રા મુંબઈના ગાવદેવી સ્થિત મણિ ભવનથી સાંજે ૪.૩૦ વાગ્યે શરૂ થશે. આ કાર્યક્રમનું નેતૃત્વ વીરમાતા અનુરાધા તાઈ ગોરે અને ડૉ. મંજુ લોઢા કરશે. આ યાત્રામાં ૧૫૦૦ થી વધુ મહિલાઓ ભાગ લેશે, જેમાં શહીદ સૈનિકોની પત્નીઓ, તેમના પરિવારો, ભૂતપૂર્વ સૈનિકો, સામાજિક કાર્યકરો, મરાઠી ફિલ્મ ઉદ્યોગની અભિનેત્રીઓ અને અન્ય મહાનુભાવોનો સમાવેશ થશે.
આ યાત્રા ભારતીય સેના દ્વારા હાથ ધરવામાં આવેલા આતંકવાદ વિરોધી અભિયાન ‘ઓપરેશન સિંદૂર’ને સમર્પિત છે. પહેલગામમાં થયેલા કાયર આતંકવાદી હુમલા પછી, ભારતીય સેનાએ પાકિસ્તાનના કબજા હેઠળના કાશ્મીર સહિત પાકિસ્તાનમાં આતંકવાદી છાવણીઓ સામે જે સચોટ કાર્યવાહી કરી તેને બિરદાવવા અને તેના સમર્થનમાં, મહિલાઓએ ‘સિંદૂર યાત્રા’ નું આયોજન કર્યુ છે. સિંદૂર યાત્રા માત્ર શ્રદ્ધાંજલિ નથી, પરંતુ મહિલાઓની દેશભક્તિ, સામાજિક જાગૃતિ અને સૈન્ય પ્રત્યે કૃતજ્ઞતાનો શક્તિશાળી સંદેશ છે. આયોજકોએ વિશ્વાસ વ્યક્ત કર્યો છે કે આ પહેલ મુંબઈકર અને સમગ્ર મહારાષ્ટ્ર માટે પ્રેરણાદાયક ઉદાહરણ તરીકે સેવા આપશે. રાજ્યના કેબિનેટ મંત્રી મંગલ પ્રભાત લોઢા કાર્યક્રમના સમાપન સમયે હાજર રહેશે અને છત્રપતિ શિવાજી મહારાજના ચિત્રને ફૂલો અર્પણ કરીને શ્રદ્ધાંજલિ આપશે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
For more details… Contact 9322529232 / 9324483455
