મુંબઈ મહાપાલિકાની ચૂંટણીમાં ભાજપ અને શિવસેના શિંદે જૂથે જીત મેળવી હોવા છતાં, તેમને નજીવી બહુમતી મળી છે. આથી મુંબઈનો મેયર કોણ બનશે તેને લઈને ખેંચતાણ વધી ગઈ છે. ઉપ મુખ્ય મંત્રી એકનાથ શિંદેએ સાવચેતીનાં પગલાં તરીકે તેમના તમામ 29 નગરસેવકો બાંદરા સ્થિત ‘તાજ લેન્ડ્સ એન્ડ’માં ખસેડ્યા છે.
ભાજપના નેતા દેવેન્દ્ર ફડણવીસ હાલમાં દાવોસના પ્રવાસે છે, ત્યારે મુંબઈમાં મોટી ‘ઊથલપાથલ’ થવાની શક્યતા છે.
આ દરમિયાન, એકનાથ શિંદેના કેટલાક નગરસેવકો ઠાકરે જૂથના સંપર્કમાં હોવાની માહિતી સામે આવી છે. શું આનાથી મુંબઈના રાજકારણમાં ફરી ઊથલપાથલ થશે? આખા રાજ્યનું આ તરફ ધ્યાન દોરાયું છે.
મહાપાલિકાની ચૂંટણીમાં ભાજપે 89 બેઠકો જીતી છે, અને 114 ના બહુમતી આંકડો સુધી પહોંચવા માટે શિંદે જૂથના 29 નગરસેવકોની મદદ જરૂરી છે. આ તકનો લાભ લઈને, ઉપ મુખ્ય મંત્રી એકનાથ શિંદે અઢી વર્ષ માટે મેયરપદ મેળવવા આગ્રાહી છે.
બીજી બાજુ ઉદ્ધવ ઠાકરેએ “ભગવાન ઈચ્છે તો મુંબઈના આગામી મેયર અમારા બનશે” એવું સૂચક નિવેદન આપીને રાજકીય વર્તુળોમાં ખળભળાટ મચાવી દીધો છે. તેમના આ નિવેદન પાછળ અનેક તર્ક રજૂ કરવામાં આવી રહ્યા છે.શિંદે જૂથના કેટલાક નવા ચૂંટાયેલા નગરસેવકો ઉદ્ધવ ઠાકરેના સંપર્કમાં હોવાની સનસનીખેજ માહિતી પ્રકાશમાં આવી છે.
રાઉત સંજય રાઉતે કહ્યું, “શિંદે જૂથના ચૂંટાયેલા નગરસેવકોમાં ઘણા નવા ચહેરા છે. તેઓ મૂળ શિવસૈનિક છે. શિવસૈનિકોની મુંબઈ પ્રત્યે અલગ લાગણી છે.
તેથી, અમે જોયું છે કે દરેક વ્યક્તિ એવું વિચારી રહી છે કે ભાજપના સભ્યને મેયર બનવા દેવો જોઈએ નહીં.
નગરસેવકોને ભલે હોટેલમાં બંધ કરી રાખવામાં આવે, સંદેશવ્યવહારનાં ઘણાં માધ્યમો છે, અને તે મુજબ સંદેશ આવતા રહે છે,” એવું સૂચન નિવેદન તેમણે કર્યું હતું.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું https://chat.whatsapp.com/JBcuZPbs8c13mKBrrfFfga
For more details… Contact 9322529232 / 9324483455
