શુભમન ગિલની કેપ્ટનશીપ હેઠળ ભારતની શરૂઆત હાર સાથે થઈ છે, અને ઑસ્ટ્રેલિયાએ ત્રણ મેચની શ્રેણીમાં 1-0ની લીડ મેળવી લીધી છે.
પર્થમાં રમાયેલી ભારત અને ઑસ્ટ્રેલિયા વચ્ચેની પ્રથમ ODI મેચમાં ભારતીય ટીમને કારમી 7 વિકેટથી હારનો સામનો કરવો પડ્યો છે. વરસાદના કારણે વિક્ષેપિત આ મેચને 26 ઓવરની કરવામાં આવી હતી. DLS પદ્ધતિ હેઠળ ઑસ્ટ્રેલિયાને જીતવા માટે 131 રનનો લક્ષ્યાંક મળ્યો હતો, જે તેમણે 21.1 ઓવરમાં હાંસલ કરી લીધો. ભારતીય બેટ્સમેનોનું પ્રદર્શન નબળું રહ્યું, જ્યાં ટોચના ત્રણ બેટ્સમેન માત્ર 25 રનના સ્કોર પર પેવેલિયન ભેગા થઈ ગયા. ઑસ્ટ્રેલિયાની જીતનો હીરો મિશેલ માર્શ રહ્યો, જેણે સર્વાધિક 46 રન બનાવ્યા. શુભમન ગિલની કેપ્ટનશીપ હેઠળ ભારતની શરૂઆત હાર સાથે થઈ છે, અને ઑસ્ટ્રેલિયાએ ત્રણ મેચની શ્રેણીમાં 1-0ની લીડ મેળવી લીધી છે.
વરસાદના વિક્ષેપ વચ્ચે ભારતની બેટિંગનો ધબડકો
પર્થમાં રમાયેલી પ્રથમ વનડે મેચમાં ટોસ હાર્યા બાદ પ્રથમ બેટિંગ કરવા ઉતરેલી ટીમ ઈન્ડિયાની શરૂઆત અપેક્ષા કરતાં ઘણી ખરાબ રહી. ભારતીય બેટ્સમેન ઓસ્ટ્રેલિયાના બોલિંગ આક્રમણ સામે ટકી શક્યા નહીં. ચોથી ઓવરમાં રોહિત શર્મા માત્ર 8 રન બનાવીને આઉટ થયો. ત્યારબાદ વિરાટ કોહલી 8 બોલ રમવા છતાં ખાતું ખોલાવ્યા વિના જ પોતાની વિકેટ ગુમાવી દીધી. કેપ્ટન શુભમન ગિલ પણ 18 બોલમાં 10 રન બનાવીને સસ્તામાં આઉટ થયો. ભારતના ટોચના ત્રણ બેટ્સમેન માત્ર 25 રનના સ્કોર પર પેવેલિયન ભેગા થયા હતા.
બાદમાં, વરસાદના કારણે મેચમાં અનેક અવરોધો આવ્યા અને આખરે મેચને 26 ઓવરની કરવામાં આવી. ભારતીય ટીમે 26 ઓવરમાં 9 વિકેટ ગુમાવીને 136 રન બનાવ્યા હતા. જોકે, DLS પદ્ધતિ લાગુ થતાં ઑસ્ટ્રેલિયા માટે જીતનો લક્ષ્યાંક ઘટાડીને 131 રન નિર્ધારિત કરવામાં આવ્યો. ભારત તરફથી વિકેટકીપર-બેટ્સમેન કેએલ રાહુલે 38 રન અને અક્ષર પટેલે 31 રન બનાવીને થોડી લડત આપી હતી. ઑસ્ટ્રેલિયાની બોલિંગમાં જોશ હેઝલવુડ, મિશેલ ઓવેન અને મેથ્યુ કુહ્નમેને અસરકારક પ્રદર્શન કરતા દરેકે બે-બે વિકેટ ઝડપી હતી.
મિશેલ માર્શની વિજયી ઇનિંગ્સ: ઑસ્ટ્રેલિયાનો 7 વિકેટે વિજય
131 રનના લક્ષ્યનો પીછો કરવા ઉતરેલી ઑસ્ટ્રેલિયાની શરૂઆત પણ નબળી રહી હતી, જ્યાં ટ્રેવિસ હેડ બીજી ઓવરમાં ફક્ત 8 રન બનાવીને આઉટ થયો. જોકે, ત્યારબાદ મિશેલ માર્શ અને મેથ્યુ શોર્ટ વચ્ચે 34 રનની ભાગીદારી થઈ. શોર્ટ 17 બોલમાં 8 રન બનાવીને આઉટ થયો.
શોર્ટના આઉટ થયા પછી, જોશ ફિલિપ અને મિશેલ માર્શે બાજી સંભાળી અને ત્રીજી વિકેટ માટે 55 રન જોડીને ટીમને જીતની નજીક પહોંચાડી. ફિલિપે 29 બોલમાં 37 રન બનાવ્યા. ઑસ્ટ્રેલિયા તરફથી મિશેલ માર્શે આક્રમક બેટિંગ કરતા સર્વાધિક 46 રન બનાવ્યા અને ટીમને જીત અપાવવામાં મહત્ત્વની ભૂમિકા ભજવી. મેટ રેનશો 21 રન બનાવીને અણનમ રહ્યા હતા. ઑસ્ટ્રેલિયાએ આ લક્ષ્યાંક 21.1 ઓવરમાં માત્ર 3 વિકેટ ગુમાવીને હાંસલ કરી લીધો. ભારત તરફથી અર્શદીપ સિંહ, અક્ષર પટેલ અને વોશિંગ્ટન સુંદરે 1-1 વિકેટ લીધી હતી. આ જીત સાથે ઑસ્ટ્રેલિયાએ શ્રેણીમાં 1-0ની લીડ મેળવીને ભારતને દિવાળી પર પરાજય આપ્યો છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
For more details… Contact 9322529232 / 9324483455
