શુક્રવારે યુએસ ટ્રમ્પ એડમિનિસ્ટ્રેશને ચીનથી અમેરિકામાં નિકાસ થતી ઈલેક્ટ્રોનિક પ્રોડક્ટ્સ પર ટેરિફ હટાવી દીધી છે.
ટેરિફ પર ટ્રમ્પની 90-દિવસની રાહત પછી એશિયન બજારે રાહતનો શ્વાસ લીધો અને નવો ઉછાળો જોવા મળ્યો, ત્યારે ભારતીય બજાર આ સપ્તાહના પ્રથમ ટ્રેડિંગ દિવસે વધવાની ધારણા છે. અગાઉ, ટ્રમ્પે ટેરિફ પર બ્રેક મૂક્યા પછી યુએસ શેરબજારમાં ઉછાળો આવ્યો હતો. ડાઉ જોન્સ 0.5 ટકા, S&P 500 0.7 ટકા વધ્યો જ્યારે Nasdaq Composite Futures 1.26 ટકા વધ્યો.
શુક્રવારે યુએસ ટ્રમ્પ એડમિનિસ્ટ્રેશને ચીનથી અમેરિકામાં નિકાસ થતી ઈલેક્ટ્રોનિક પ્રોડક્ટ્સ પર ટેરિફ હટાવી દીધી છે. આ પછી, કમ્પ્યુટર, ફોન અને સેમિકન્ડક્ટર પર ફક્ત 20% ટેરિફ લાદવામાં આવશે, જે ટ્રમ્પ દ્વારા પહેલાથી જ ચીનના સામાન પર લાદવામાં આવી હતી.
વૈશ્વિક વેપાર યુદ્ધ વચ્ચે બ્રોકરેજ ફર્મ એમકે ગ્લોબલનું માનવું છે કે, ભારતીય શેરબજારમાં મંગળવારે વધારો જોવા મળી શકે છે. આ વધારો સ્મોલ કેપ અને મિડ કેપ શેરોમાં જોવા મળશે. માર્ચ 2026 માટે બ્રોકરેજ ફર્મે નિફ્ટીનો ટાર્ગેટ 26 હજાર રાખ્યો છે, જેનો અર્થ છે કે શેરબજારમાં રોકાણકારો માટે આગળ સારા દિવસો આવવાના સંકેતો છે.
બજારના નિષ્ણાતો માને છે કે, રિઝર્વ બેંક દ્વારા રેપો રેટમાં 25 બેસિસ પોઈન્ટના ઘટાડાની અસર શેરબજાર પર પણ જોવા મળશે. તેનાથી માર્કેટ સેન્ટિમેન્ટ સુધરશે અને તેજી પાછી આવી શકે છે. આ સાથે રોકાણકારો કંપનીઓના પરિણામો પર પણ નજર રાખશે.
ઉલ્લેખનીય છે કે, ટ્રમ્પ દ્વારા ટેરિફ લાદવાની જાહેરાત બાદ વિશ્વભરના શેરબજારોમાં ઉથલપાથલ જોવા મળી હતી. જો કે, આ પછી, યુએસએ આગામી 90 દિવસ માટે ચીન સિવાયના તમામ દેશો પર ટેરિફ પર બ્રેક લગાવી દીધી અને તેને માત્ર 10 ટકા પર રાખી. જ્યારે ચીન પર કુલ ટેરિફ વધારીને 145 ટકા કરવામાં આવી હતી. જેના જવાબમાં ચીને પણ જવાબી કાર્યવાહી કરીને 125 ટકા ટેરિફ લગાવી દીધી છે. બે આર્થિક મહાસત્તાઓ વચ્ચેનું આ વેપાર યુદ્ધ બજારને અલગ અલગ રીતે અસર કરશે તે નિશ્ચિત છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
