ભાજપના મુંબઈ પ્રમુખ અમિત સાટમે એક સનસનાટીભર્યો આરોપ લગાવ્યો છે કે ઉદ્ધવ ઠાકરેએ ૧૯૯૭ થી ૨૦૨૨ સુધીનાં ૨૫ વર્ષ દરમિયાન મુંબઈ મહાપાલિકામાં દેશનો સૌથી મોટો ભ્રષ્ટાચાર કર્યો હતો.
દેશમાં અત્યાર સુધી થયેલા 2જી, કોલસા કૌભાંડ કે કોમનવેલ્થ જેવા મોટા કૌભાંડોની સંખ્યા ૧ લાખ ૭૬ હજાર કરોડ રૂપિયાથી વધુ નથી, પરંતુ ઠાકરેએ મુંબઈ મહાપાલિકામાં જ ૩ લાખ કરોડ રૂપિયાનો ભ્રષ્ટાચાર કર્યો છે.
જો મેયર ચૂંટવામાં ઠાકરે સફળ થાય તો મુંબઈ પાકિસ્તાન બની જશે.મુંબઈ શહેર અને મહાપાલિકાની દ્રષ્ટિથી સૌથી મોટો મુદ્દો રસ્તાનો છે. મુંબઈ શહેર તેના રસ્તાઓ માટે સમગ્ર વિશ્વમાં કુખ્યાત છે.
શહેરના રસ્તાઓ કેવા છે તેના આધારે આપણે સંબંધિત શહેર વિશે આપણો અભિપ્રાય વ્યક્ત કરીએ છીએ, પરંતુ, અમે ઘણાં વર્ષોથી આ ચર્ચા સાંભળી રહ્યા છીએ, મુંબઈ શહેરના રસ્તાઓમાં ખાડા છે કે ખાડાઓમાં રસ્તા છે, એમ સાટમે જણાવ્યું.મુંબઈના રસ્તાઓની ખરાબ સ્થિતિ તરફ ધ્યાન દોરતાં, સાટમે માહિતી અધિકાર (આરટીઆઈ) દ્વારા મેળવેલી માહિતીનો ઉલ્લેખ કર્યો.
તેમણે કહ્યું કે છેલ્લાં 10 વર્ષમાં જ મહાપાલિકાએ મુંબઈના રસ્તાઓ પર 21,000 કરોડ રૂપિયા ખર્ચ્યા છે. આટલી મોટી રકમ ખર્ચવા છતાં, મુંબઈના રસ્તાઓની હાલત દયનીય છે, અને રસ્તાઓમાં ખાડા છે કે ખાડાઓમાં રસ્તા છે તે સ્પષ્ટ નથી. તેમણે સીધો આરોપ લગાવ્યો કે આ પરિસ્થિતિ માટે ઉદ્ધવ ઠાકરે જ જવાબદાર છે.
અમિત સાટમે કહ્યું કે શિક્ષણ કૌભાંડ, પાણી યોજના રદ કરવાનું કૌભાંડ, કચરો કૌભાંડ અને જાહેરાત આવકમાં ભ્રષ્ટાચાર, મુંબઈના 1700 બાર અને રેસ્ટોરાંમાંથી ખંડણી વસૂલી તેમને નામે બોલાય છે. મહાલક્ષ્મી કોવિડ સેન્ટર બિલ્ડરના ફાયદા માટે બનાવવામાં આવ્યું હતું અને બોડી બેગ અને પીપીઈ કિટની ખરીદીમાં પણ મોટા પાયે ભ્રષ્ટાચાર થયો હતો.
અમિત સાટમે દાવો કર્યો હતો કે સ્થાયી સમિતિ ઉદ્ધવ ઠાકરેના માણસો દ્વારા ‘રિમોટ કંટ્રોલ’થી ચલાવવામાં આવતી હતી.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું https://chat.whatsapp.com/JBcuZPbs8c13mKBrrfFfga
For more details… Contact 9322529232 / 9324483455
