વડાલા વિસ્તારમાં બેસ્ટની બસે અડફેટમાં લેતાં 38 વર્ષની મહિલા અને તેના આઠ વર્ષના પુત્રનાં મોત થયાં હતાં.
પોલીસના જણાવ્યા અનુસાર વડાલા ચર્ચ બસસ્ટોપ નજીક સોમવારે બપોરના 3.10 વાગ્યાની આસપાસ આ અકસ્માત થયો હતો, જેમાં મૃત્યુ પામેલા માતા-પુત્રની ઓળખ લિઓબા સેલ્વરાજ અને આઠ વર્ષના એન્થોની સેલ્વરાજ તરીકે થઇ હતી.
બેસ્ટની લીઝ પર લીધેલી રૂટ નંબર એ-174 પરની બસ બપોરે વીર કોતવાલ ઉદ્યાનથી ભારાની નાકા તરફ જઇ રહી હતી. ત્યારે વડાલા ચર્ચ બસસ્ટોપ નજીક પગપાળા જનારી લિઓબા સેલ્વરાજ અને તેના પુત્રને બસે અડફેટમાં લીધાં હતાં.
અકસ્માતમાં લિઓબાને ગંભીર ઇજા પહોંચી હતી, જ્યારે તેના પુત્ર એન્થોનીના માથા પરથી બસનું ટાયર ફરી વળતાં તે પણ ગંભીર રીતે ઘવાયો હતો.
લિઓબાને સાયન હોસ્પિટલમાં, જ્યારે એન્થોનીને કે.ઇ.એમ. હોસ્પિટલમાં લઇ જવાયો હતો, જ્યાં એન્થોનીને મૃત જાહેર કરવામાં આવ્યો હતો, જ્યારે લિઓબાનું સારવાર દરમિયાન બપોરે 4.25 વાગ્યે મૃત્યુ થયું હતું. આ અકસ્માતને પગલે પોલીસે બસ ડ્રાઇવર બાપુરાવ નાગબોને વિરુદ્ધ ગુનો દાખલ કરીને તપાસ આદરી હતી.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
For more details… Contact 9322529232 / 9324483455
