કલ્યાણની લેડી ડોન ફિઝા ઈરાનીને પોલીસે હાથકડી પહેરાવી છે, કલ્યાણની ડીસીપી સ્ક્વોડ દ્વારા આંબિવલી ઈરાની વસાહતમાંથી ફિઝા ઈરાનીની ધરપકડ કરવામાં આવી છે. પોલીસે તેની પાસેથી 1,16,000 રૂપિયાની કિંમતનું એમડી ડ્રગ્સ જપ્ત કર્યું છે. ફિઝા ઈરાની પર અગાઉ ડ્રગ્સની હેરાફેરીનો ગંભીર આરોપ મૂકવામાં આવ્યો છે.
કલ્યાણ ડોંબિવલી વિસ્તારમાં પોલીસે ડ્રગ્સની હેરાફેરી સામે કાર્યવાહી શરૂ કરી છે. કલ્યાણ ડીસીપી સ્ક્વોડને માહિતી મળી હતી કે, ખડકપાડા પોલીસ સ્ટેશન હેઠળના આંબિવલી વિસ્તારમાં એમડી ડ્રગ્સ ગેરકાયદેસર રીતે વેચાઈ રહ્યું છે. આ માહિતીના આધારે, ડીસીપી સ્ક્વોડની એક ટીમે અટાલી વિસ્તારમાં છટકું ગોઠવ્યું. આ સમયે, એક મહિલા સ્કૂટી લઈને ઊભી હતી. તેની હિલચાલ શંકાસ્પદ જણાતાં, પોલીસે તેને રોકી અને તેની તલાશી લીધી, જે દરમિયાન તેની પાસેથી 1 લાખ 16 હજાર રૂપિયાની કિંમતનું એમડી ડ્રગ્સ મળી આવ્યું હતું.
પોલીસે તરત તેની ધરપકડ કરી હતી. આરોપીનું નામ ફિઝા ઈરાની છે અને તે આંબિવલી નજીક કુખ્યાત ઈરાની વસાહતમાં રહે છે. પોલીસે માહિતી આપી કે ખડકપાડા અને કોલસેવાડી પોલીસ સ્ટેશનમાં તેની વિરુદ્ધ ગંભીર કેસ નોંધાયેલા છે.
કલ્યાણમાં અન્ય એક ઘટનામાં, સોમવારે કલ્યાણની આધારવાડી જેલમાં એક ઘટના બની જેમાં ન્યાયિક કસ્ટડીમાં રહેલા એક આરોપીએ ગુસ્સામાં એક પોલીસ કર્મચારીને માર માર્યો. આ ગુનેગારને ફોજદારી સુનાવણી માટે કલ્યાણ જિલ્લા સત્ર અદાલતમાં લઈ જવામાં આવ્યો હતો. ખડકપાડા પોલીસ સ્ટેશનમાં દાખલ કરાયેલી ફરિયાદમાં જણાવાયું છે કે, સુનાવણી દરમિયાન આરોપીએ મેજિસ્ટ્રેટ સાથે દલીલ કરવાનો પ્રયાસ કર્યો હતો. આરોપીની ઓળખ સૂરજ શંકર સિંહ ઉર્ફે વીરેન્દ્ર શંકર મિશ્રા (29) તરીકે થઈ છે. માર મારવામાં આવેલા પોલીસ કોન્સ્ટેબલનું નામ સુનિલ પાટીલ (57) છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
For more details… Contact 9322529232 / 9324483455
