લીલી મેથી શિયાળાનું સુપરફુડ ગણાય છે. ઠંડીની ઋતુમાં લીલી મેથી ખાવાથી શરીરને કેવા લાભ થાય છે આજે તમને જણાવીએ
શિયાળો શરૂ થાય કે બજારમાં અલગ અલગ પ્રકારની લીલી ભાજી દેખાવા લાગે છે. તેમાંથી એક છે મેથીની ભાજી. મેથીની ભાજી ઠંડીમાં લોકો અલગ અલગ રીતે ખાતા હોય છે. ઘણા લોકો પરોઠામાં તો ઘણા લોકો શાકમાં તેનો ઉપયોગ કરે છે. પરંતુ ખૂબ ઓછા લોકો શિયાળામાં મેથીની ભાજીથી થતા ફાયદા વિશે જાણે છે. મેથીના લીલાં પાન વિટામીન, મિનરલ્સથી ભરપૂર હોય છે. મેથી શિયાળાનું સુપરફૂડ છે. આજે તમને મેથી ખાવાથી શરીરને થતા લાભ વિશે જણાવીએ.
મેથી ખાવાથી થતા ફાયદા
– મેથીમાં ફાઇબર ભરપૂર પ્રમાણમાં હોય છે જે પાચન સુધારે છે અને મેટાબોલિઝમને બુસ્ટ કરે છે. મેથી ખાધા પછી લાંબા સમય સુધી પેટ ભરેલું રહે છે, જેના કારણે વારંવાર ખાવાની ઈચ્છા ઓછી થાય છે. મેથી વજન ઘટાડવાનો પ્રયત્ન કરતા લોકો માટે બેસ્ટ વિકલ્પ છે.
– મેથીમાં ફાઇબર ભરપૂર માત્રામાં હોય છે જે આંતરડાની ગતિ સુધારે છે અને કબજિયાતથી રાહત આપે છે. મેથીની ભાજી એસિડિટી અને છાતીમાં બળતરા જેવા લક્ષણોને ઘટાડે છે. જે લોકોને વારંવાર એસિડિટી થતી હોય તેમણે મેથીની ભાજી ડાયટમાં સામેલ કરવી જોઈએ.
– શિયાળામાં શરીરને સંક્રમણ સામે લડવા માટે રોગપ્રતિકારક શક્તિની જરૂર પડે છે. મેથીની ભાજી ખાવાથી શરીરની રોગપ્રતિકારક શક્તિ વધે છે. જેના કારણે ઠંડીમાં વારંવાર બીમાર પડવાથી બચી જવાય છે.
– મેથી ફાઇબર, કાર્બોહાઈડ્રેટ અને સુગરના અવશોષણની ગતિ ઘટાડે છે જેના કારણે બ્લડ સુગર અચાનક વધતું નથી. કેટલા રિપોર્ટ્સ અનુસાર મેથી ઇન્સ્યુલિન સેન્સિટીવીટીને સુધારે છે. તેના કારણે ડાયાબિટીસના દર્દી માટે મેથી ફાયદાકારક સાબિત થાય છે.
For more details… Contact 9322529232 / 9324483455
