વિલે પાર્લેમાં આવેલી સાઠ્યે કોલેજમાં એક દુખદ ઘટના બની, જ્યાં 21 વર્ષીય વિદ્યાર્થિની સંધ્યા પાઠકનું કોલેજ ઈમારતના ત્રીજા માળેથી પડી જવાથી મૃત્યુ થયું.કોલેજ પ્રશાસન તેને આત્મહત્યાનો મામલો ગણાવી રહ્યું છે, જેમાં સંધ્યાએ ત્રીજા માળથી કૂદકો માર્યો હોવાનો દાવો કરવામાં આવ્યો છે, જ્યારે પરિવારે ગુનાહિત કૃત્યનો આરોપ લગાવ્યો છે અને ભારપૂર્વક જણાવ્યું છે કે, તેને ધક્કો મારવામાં આવ્યો હતો. પોલીસે તપાસ શરૂ કરી છે અને ઘટનાની આસપાસના સંજોગો નક્કી કરવા માટે સીસીટીવી ફૂટેજની સમીક્ષા કરી રહી છે.એક પોલીસ અધિકારીએ જણાવ્યું હતું કે ગુરુવારે સવારે કોલેજની વિદ્યાર્થિનીનું શૈક્ષણિક સંસ્થાના ત્રીજા માળથી કૂદકા માર્યા બાદ મૃત્યુ થયું હતું.
21 વર્ષીય સંધ્યા પાઠક વિલે પાર્લે (પૂર્વ) વિસ્તારમાં આવેલી કોલેજની ત્રીજા વર્ષની વિદ્યાર્થિની હતી. તે મુંબઈની નજીક નાલાસોપારાની રહેવાસી હતી.કોલેજ ઈમારતના ત્રીજા માળેથી કૂદી પડતાં વિદ્યાર્થિનીને ગંભીર ઈજાઓ થઈ હતી. અધિકારીએ જણાવ્યું કે, તેને તાત્કાલિક હોસ્પિટલમાં લઈ જવામાં આવી હતી, જ્યાં ડોક્ટરોએ તેને મૃત જાહેર કરી હતી.
પાઠક પાસેથી કોઈ સુસાઇડ નોટ મળી નહોતી અને પોલીસ એ જાણવાનો પ્રયાસ કરી રહી છે કે, તેણે આ અંતિમ પગલું કેમ ભર્યું. અધિકારીએ ઉમેર્યું કે, હાલ તપાસ ચાલી રહી છે, જ્યારે આકસ્મિક મૃત્યુનો રિપોર્ટ (એડીઆર) નોંધવામાં આવ્યો છે.
ક્લાસ શરૂ થયા પછી બહાર કેમ? સંધ્યા સવારે રાબેતા મુજબ કોલેજમાં આવી. ક્લાસ શરૂ થયા પછી બધા અંદર ગયા. જોકે તે ત્રીજા માળે ગઈ. કોઈને ખબર પડે તે પહેલાં, સંધ્યા ત્રીજા માળેથી કૂદી પડી. નીચે પડ્યા પછી, સંધ્યાના શરીરમાંથી ખૂબ લોહી વહેતું હતું. તેને તાત્કાલિક નજીકના બાબાસાહેબ ગાવડે ચેરિટેબલ ટ્રસ્ટ હોસ્પિટલમાં લઈ જવામાં આવી હતી. જોકે, સારવાર પહેલાં જ તેનું મોત નીપજ્યું. તેના પરિવારનું કહેવું છે કે અમારી પુત્રી આત્મહત્યા નહીં કરી શકે. તેની પર હુમલો થયો હશે. તેથી આ કેસમાં રહસ્ય વધુ વધ્યું છે. સીસીટીવી કેમેરાના ફૂટેજની તપાસ કરવામાં આવી રહી છે, જેમાં સંધ્યા પાઠક ત્રીજા માળે કોરિડોરમાંથી ચાલતી જોવા મળે છે. કોલેજના કોરિડોરમાં દીવાલો ઊંચી છે. તેથી સંધ્યા આકસ્મિક રીતે સંતુલન ગુમાવીને નીચે પડી જવાની શક્યતા ખૂબ ઓછી છે. સત્ય કોલેજના દરેક માળે સીસીટીવી કેમેરા છે. એવો અંદાજ છે કે તેના કૂદવાનું દ્રશ્ય આમાંથી એક કેમેરામાં કેદ થયું હશે. તેથી, પોલીસની વધુ તપાસમાં કઈ માહિતી બહાર આવશે તેના પર હવે બધાની નજર છે.
