મુંબઈના એક 72 વર્ષીય બિઝનેસમેનને એન્ફોર્સમેન્ટ ડિરેક્ટોરેટ (ઈડી) અને સેન્ટ્રલ બ્યુરો ઓફ ઈન્વેસ્ટિગેશન (સીબીઆઈ) અધિકારીઓના સ્વાંગમાં ડિજિટલ અરેસ્ટ બતાવીને અધધધ 58 કરોડ રૂપિયાની છેતરપિંડી કરવામાં આવી છે. એક નાગરિકને સંડોવતા ડિજિટલ અરેસ્ટ સાઈબર છેતરપિંડી કેસમાં 58 કરોડ રૂપિયા એ સૌથી મોટું નુકસાન હોઈ શકે છે.
મહારાષ્ટ્ર સાઈબર વિભાગ આ કેસની તપાસ કરી રહી છે અને ત્રણ જણની ધરપકડ કરવામાં આવી છે, એમ પોલીસે ગુરુવારે જણાવ્યું હતું. સાઈબર ક્રાઈમમાં ડિજિટલ અરેસ્ટનું સ્વરૂપ વધી રહ્યું છે, જેમાં ઠગો કાયદાનો અમલ કરતી સંસ્થાના અધિકારીઓ અથવા સરકારી સંસ્થાના અધિકારીઓ તરીકે પોતાની ઓળખ બતાવે છે અને પીડિતને ઓડિયો/ વિડિયો કોલ્સ થકી ધાકધમકી આપીને અને બીક બતાવીને છેતરે છે. પીડિતને તેઓ એક રીતે બાનમાં રાખે છે અને નાણાં ચૂકવવા માટે દબાણ કરે છે.
આ કેસમાં ઠગોએ ઈડી અને સીબીઆઈના અધિકારીઓ હોવાનું જણાવ્યું હતું. બિઝનેસમેનનો 19 ઓગસ્ટથી 8 ઓક્ટોબર વચ્ચે સંપર્ક કરાયો હતો અને તેનું નામ મની લોન્ડરિંગના કેસમાં સંડોવાયું છે એવું જણાવ્યું હતું. આ પછી બિઝનેસમેનને વિડિયો કોલ કર્યો હતો અને તેને તથા તેની પત્નીની ડિજિટલ અરેસ્ટ કરવામાં આવી છે એમ કહીને બીક બતાવી હતી.
આ પછી ઠગોએ નિર્દિષ્ટ કરેલાં બેન્ક ખાતાંમાં નાણાં જમા કરવા માટે જણાવ્યું હતું.પીડિતે આશરે બે મહીનામાં ઘણા બધા બેન્ક ખાતામાં આરટીજીએસ થકી રૂ. 58 કરોડ ટ્રાન્સફર કર્યા હતા. આ પછી પોતે છેતરાયો છે એવું ભાન થયું હતું, જે પછી જ સાઈબર પોલીસમાં જઈને ફરિયાદ નોંધાવી હતી. સાઈબર પોલીસે ગયા સપ્તાહમાં ભારતીય ન્યાય સંહિતા અને ઈન્ફોર્મેશન ટેકનોલોજી ધારાની સુસંગત જોગવાઈઓ હેઠળ ગયા સપ્તાહમાં ગુનો દાખલ કર્યો હતો.
મલાડ- મુંબઈ સેન્ટ્રલથી ઠગોની ધરપકડ તપાસમાં પોલીસે બેન્ક ખાતાંઓનું વિશ્લેષણ કર્યું ત્યારે કમસેકમ 18 બેન્ક ખાતાંમાં નાણાં ગયા હોવાનું જણાયું હતું. આ પછી તેમણે તુરંત બેન્ક અધિકારીઓનો સંપર્ક કરીને ઘણા બધા બેન્ક ખાતાંમાં ટ્રાન્સફર કરેલી રકમ ફ્રીઝ કરાવી હતી. આ પ્રકરણમાં ધરપકડ કરાયેલા આરોપીઓમાં મલાડનો અબ્દુલ ખુલ્લી (47), મુંબઈ સેન્ટ્રલના અર્જુન કડવાસરા (55) અને તેનો ભાઈ જેઠારામ (35)નો સમાવેશ થાય છે. તેમની વધુ તપાસ કરવામાં આવી રહી છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
For more details… Contact 9322529232 / 9324483455
