ગણેશોત્સવ પૂરો થયો છતાં ઉત્સવની નિશાનીઓ હજી શહેરમાં ઠેકઠેકાણે દેખાય છે. ખાસ કરીને મંડળોની બહારના રસ્તા પર રાજકીય અને વ્યવસાયિક જાહેરાત પાટિયાની ભરમાર છે. આ હોર્ડિંગ્સ હટાવવાનો પડકાર મુંબઈ મહાપાલિકા પ્રશાસન સમક્ષ છે. ગણેશોત્સવના સમયમાં ધાર્મિક, રાજકીય અને વ્યવસાયિક હોર્ડિંગ્સ ઠેકઠેકાણે હોય છે.
ગણેશોત્સવ મંડળોને જાહેરાત આપનારા રાજકીય પક્ષ, લોકપ્રતિનિધિ અથવા વિવિધ વ્યવસાયિક સંસ્થાઓની જાહેરાત મંડળના પરિસરમાં લગાડવામાં આવે છે. મુંબઈમાં દરેક ગલ્લીમાં સાર્વજનિક ગણેશ મંડળ હોવાથી આ જાહેરાતોથી ગણેશોત્સવના સમયમાં બધા રસ્તાઓ વ્યાપેલા દેખાય છે. તેથી શહેર કદરૂપુ દેખાય છે. ગણેશોત્સવ પાર પડે એટલે આ જાહેરાત હોર્ડિંગ કાઢી નાખવાનું કામ મંડળો કરતા નથી. તેથી મહાપાલિકાના લાયસંસ વિભાગે આ વર્ષે પહેલાં જ હોર્ડિંગ કાઢી નાખવાની ઝુંબેશ શરૂ કરી છે.
ગણેશોત્સવમાં ગલ્લીઓમાં, અન્ય રસ્તાઓ પર જાહેરાતના હોર્ડિંગની સંખ્યા વધી જાય છે. એમાં આ વર્ષે તો ઘણો વધારો થયો છે. મુંબઈ મહાપાલિકાની ચૂંટણી કોઈ પણ દિવસે જાહેર થઈ શકે છે. તેથી આ વખતે રાજકીય જાહેરાતના હોર્ડિંગની સંખ્યા મોટા પ્રમાણમાં વધેલી દેખાતી હતી. બધા જ પક્ષના નેતાઓએ મંડળોને પોતાની તરફ કરવા આર્થિક મદદ કરી હોવાથી તેમના હોર્ડિંગ મંડપની બહારના રસ્તા પર ચમકતા હતા. આ જ જાહેરાતોમાં વિવિધ વ્યવસાયિક સ્વરૂપની જાહેરાતો પણ હતી.
7500 હોર્ડિંગ હટાવ્યા
રવિવારથી જ મુંબઈના વિવિધ ઠેકાણે જાહેરાત હોર્ડિંગ હટાવવાની શરૂઆત કરવામાં આવી છે. લગભગ સાડા સાત હજાર જેટલા જાહેરાત હોર્ડિંગ હટાવવામાં આવ્યા છે. એમાંથી સાડા છ હજાર જેટલા હોર્ડિંગ ગણેશોત્સવ સાથે સંબંધિત છે. હોર્ડિંગ હટાવવાની કાર્યવાહી આગામી થોડા દિવસ સુધી ચાલુ રહેશે એમ મુંબઈ મહાપાલિકાના ઉપાયુક્ત ચંદા જાધવે જણાવ્યું હતું.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું
https://chat.whatsapp.com/IiegbNAZmfo4K6mATvrZP8
For more details… Contact 9322529232 / 9324483455
