મુલુન્ડ પશ્ચિમના જટાશંકર ડોસા રોડ પર આવેલી શિવગંગા લોક કેદાર સોસાયટીમાં રહેતો અને કાંજુરમાર્ગની એક બેંકમાં નોકરી કરતો ૨૮ વર્ષીય યુવાન રાહુલ તવસાળકર રહસ્યમય રીતે ગાયબ થઈ જતાં સમગ્ર વિસ્તારમાં ચકચાર મચી ગઈ છે. આ મામલે રાહુલે ઘરે પરત ન ફરતા તેની માતા સંપદા તવસાળકરે મુલુન્ડ પોલીસ સ્ટેશનમાં અપહરણની શંકા સાથે સત્તાવાર ફરિયાદ નોંધાવી છે.
શું છે સમગ્ર ઘટના?
પ્રાપ્ત માહિતી અનુસાર, રાહુલ દરરોજની જેમ ગત ૨૭ ઓક્ટોબરના રોજ સવારે ૮:૩૦ વાગ્યે પોતાના ઘરેથી કામ અર્થે બેંક જવા માટે નીકળ્યો હતો. જો કે, સામાન્ય રીતે રાત્રે સમયસર ઘરે પરત ફરતા રાહુલ તે રાત્રે ઘરે ન પહોંચતા પરિવારજનો ચિંતામાં મુકાયા હતા. પરિવારે તેના મોબાઈલ ફોન પર સંપર્ક કરવાનો પ્રયાસ કર્યો હતો, પરંતુ ફોન સતત બંધ આવતો હતો.
પરિવાર દ્વારા વ્યાપક શોધખોળ છતાં કોઈ પત્તો નહીં
રાહુલ રાત્રે ઘેર ન પહોંચતા અને તેનો સંપર્ક ન થવાથી પરિવારજનોએ તાત્કાલિક આજુબાજુના વિસ્તારોમાં તેમજ સગા-સંબંધીઓ અને મિત્રોના ઘરે પણ તેની ભારે તપાસ કરી હતી. પરંતુ, ક્યાંયથી પણ રાહુલ અંગે કોઈ ભાળ કે સંતોષકારક માહિતી મળી ન હતી. આખરે કોઈ નક્કર માર્ગ ન દેખાતા માતા સંપદાએ ૨૯ ઓક્ટોબરના રોજ મુલુન્ડ પોલીસ સ્ટેશનનો સંપર્ક કરી દીકરાના ગુમ થયાની ફરિયાદ નોંધાવી હતી.
પોલીસ તપાસ તેજ
ઘટનાની ગંભીરતાને ધ્યાનમાં રાખીને મુલુન્ડ પોલીસે આ મામલે ગુનો નોંધીને તપાસના ચક્રો ગતિમાન કર્યા છે. પોલીસે રાહુલના મોબાઈલ લોકેશન, કોલ ડિટેલ્સ અને આસપાસના વિસ્તારના સીસીટીવી ફૂટેજ મેળવવાની કવાયત હાથ ધરી છે, જેથી આ રહસ્યમય ગુમ થવા પાછળનું સાચું રહસ્ય બહાર આવી શકે. દીકરાની આકસ્મિક ગાયબ થવાની ઘટનાથી પરિવાર ભારે આઘાત અને ચિંતામાં સરી પડ્યો છે.
Join Gurjarbhoomi Whats App Community by clicking the link follows… https://chat.whatsapp.com/InDRknMaSTQCOE24MRAoPg
For more details… Contact 9322529232 / 9324483455
Follow us on Instagram & Facebook by clicking the logo below…
About the Author
