મુંબઈના જોગેશ્વરી વિસ્તારમાં માત્ર 870 રૂપિયાના નજીવા વિવાદમાં એક યુવકનો જીવ જોખમમાં મૂકવાની હચમચાવનારી ઘટના સામે આવી છે. ન્યૂ લિક રોડ પર આવેલી લકી બિરયાની હોટલ પાસે સિગારેટ વેચનાર એક યુવકને કાર સવારોએ અંદાજે 100 મીટર સુધી રસ્તા પર ઢસડ્યો હતો. આ ભયાનક ઘટનાના વીડિયો સોશિયલ મીડિયા પર વાયરલ થતા જ ઓશિવરા પોલીસે (Oshiwara Police) ગુનો નોંધી મુખ્ય આરોપીની ધરપકડ કરી લીધી છે.
ઘટનાની વિગતો મુજબ, એક સફેદ રંગની વેગનઆર (WagonR) કારમાં ત્રણ પુરુષો અને એક મહિલા આવ્યા હતા. તેમણે ફૂટપાથ પર સિગારેટ વેચતા યુવક પાસેથી ₹870ની સિગારેટ ખરીદી હતી. જોકે, જ્યારે યુવકે પોતાના વેચાણના પૈસા માંગ્યા ત્યારે કારમાં બેઠેલા શખ્સોએ પૈસા આપવાનો સ્પષ્ટ ઈન્કાર કરી દીધો હતો અને વિવાદ શરૂ કર્યો હતો. મહિલાએ કોલર પકડ્યો અને ડ્રાઈવરે ગાડી ભગાવી મૂકી વિવાદ વધતા કારમાં બેઠેલી મહિલાએ યુવકનો કોલર પકયો હતો અને અન્ય એક પુરુષે તેની સાથે મારપીટ શરૂ કરી હતી. આ દરમિયાન યુવકનો હાથ કારની અંદર જ હતો અને ડ્રાઈવરે અચાનક ગાડી ભગાવી મૂકી હતી. પોતાનો જીવ બચાવવા ફાંફા મારી રહેલા યુવકને આરોપીઓએ જરા પણ દયા બતાવ્યા વગર 100 મીટર સુધી વ્યસ્ત રસ્તા પર ઢસડ્યો હતો.
ઘટનાસ્થળે હાજર લોકોએ આ આખી ભયાનક ઘટના પોતાના મોબાઈલમાં કેદ કરી લીધી હતી. વીડિયોમાં સ્પષ્ટ દેખાય છે કે કેવી રીતે કાર ચાલક નિર્દયતાથી ગાડી હંકારી રહ્યો છે અને યુવક રસ્તા પર ઘસડાઈ રહ્યો છે. ઓશિવરા પોલીસે આ વીડિયો અને ટેકનિકલ પુરાવાઓના આધારે ભારતીય ન્યાય સંહિતા (BNS) અને મોટર વ્હીકલ એકટની ગંભીર કલમો હેઠળ ચાર આરોપીઓ વિરુદ્ધ FIR નોંધી છે. મુખ્ય આરોપીની ધરપકડ,
પોલીસે ગણતરીના કલાકોમાં જ કાર ચાલકની ઓળખ કરી તેની ધરપકડ કરી લીધી છે અને ગુનામાં વપરાયેલી કાર પણ જપ્ત કરવામાં આવી છે. જોકે, આ ઘટનામાં સામેલ અન્ય બે પુરુષો અને એક મહિલા હજુ પોલીસ પકડથી દૂર છે. ઓશિવરા પોલીસની અલગ-અલગ ટીમો ફરાર આરોપીઓના રહેઠાણ પર દરોડા પાડી રહી છે અને ટૂંક સમયમાં તેમની પણ ધરપકડ કરવામાં આવશે તેવો વિશ્વાસ વ્યક્ત કર્યો છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું https://chat.whatsapp.com/JBcuZPbs8c13mKBrrfFfga
For more details… Contact 9322529232 / 9324483455
