વિધાનસભામાં મહારેરા (Maharashtra Real Estate Regulatory Authority)ની નિષ્ક્રિયતા પર વિધાનસભ્યોએ આકરા પ્રહારો કર્યા હતા. મુંબઈ, થાણેમાં હજારો ગ્રાહકોના કરોડો રૂપિયા ફસાયેલા છે. રાજ્યની વિધાનસભામાં મહારેરાના રેઢિયાળ કારભાર ઉપર વિધાનસભ્યોએ પસ્તાળ પાડી હતી.
વિધાનસભામાં અતુલ ભાતખળકર, સુલભા ખોડકે, પ્રતાપરાવ પાટિલ ચિખલીકર, દૌલત દરોડા, ચેતન તુપે, ડૉ. જિતેન્દ્ર આવ્હાડ, ઉત્તમરાવ જાનકર, વિનોદ અગ્રવાલ, રાજુ તોડસામ, હીરામન ખોસકર અને અન્ય સભ્યોએ મહારાષ્ટ્ર રિયલ એસ્ટેટ ઓથોરિટી (મહારેરા) દ્વારા ઘર ખરીદનારાઓને વળતર માટે જારી કરાયેલા આદેશનો અમલ ન કરવા અંગે મહારેરાની કામગીરીની આકરી ટીકા કરી હતી.
મુંબઈ, થાણે અને પુણેમાં લગભગ 1200 ગ્રાહકો સાથે 792 કરોડ રૂપિયાની છેતરપિંડી કરવામાં આવી હોવાની ચોંકાવનારી હકીકત પ્રકાશમાં આવી છે. તેની વસુલાતના ઓર્ડર જારી કરવામાં આવ્યા હતા, પરંતુ આમાંથી, જિલ્લા કલેક્ટરો દ્વારા રૂ. 200 કરોડના વસૂલાતના ઓર્ડર એ આધાર પર પરત કરવામાં આવ્યા છે કે ડેવલપર્સ પાસેથી વસૂલાત શક્ય નથી.
તેવી જ રીતે, મોટા પાયે એવી ફરિયાદો પણ છે કે ડેવલપર અને ખરીદનાર વચ્ચે થયેલા કરાર મુજબ ખરીદદારોને આપવામાં આવેલા મકાનો કરારમાં ઉલ્લેખિત વિસ્તાર કરતાં ઓછો વિસ્તાર આપી રહ્યા છે.
સુપ્રીમ કોર્ટે પણ મહારેરાની કામગીરી પર નારાજગી વ્યક્ત કરી છે. સભ્યોએ આરોપ લગાવ્યો હતો કે મહારેરા એક એક્સટેન્શન કાઉન્ટર છે જે ડેવલપર્સને તેમના પ્રોજેક્ટ્સને એક્સટેન્શન આપે છે. સભ્યોએ માંગણી કરી હતી કે, સરકાર મહારેરાની કામગીરીની ઊંડી તપાસ કરે અને છેતરપિંડી કરનારા ડેવેલપર્સ પર કડક કાર્યવાહી હાથ ધરે.
પ્રભારી ગૃહ પ્રધાન શંભુરાજ દેસાઈએ જવાબ આપતા જણાવ્યું હતું કે મહારાષ્ટ્ર રિયલ એસ્ટેટ રેગ્યુલેટરી ઓથોરિટીને મળેલી ફરિયાદ પર ઓથોરિટીએ કાર્યવાહી કરી છે અને ફરિયાદીઓના વળતર અનુસાર ડેવલપર સામે કાર્યવાહી કરવા સંબંધિત જિલ્લા કલેક્ટર કચેરીને આદેશ આપવામાં આવ્યા છે.
જોકે, સંબંધિત જિલ્લા કલેક્ટરોએ માહિતી આપી છે કે હરાજી સફળ ન થવી, મિલકત ન મળવી, બેંકમાં ગીરવે મૂકેલી મિલકત, કોર્ટ કેસ મુલતવી રહેવા વગેરે જેવા વિવિધ કારણોસર કેટલાક આદેશોનો અમલ થઈ રહ્યો નથી
રાજ્ય સરકારે પણ આ બાબતની ગંભીર નોંધ લીધી છે અને જિલ્લા કલેક્ટરને સંબંધિત ડેવલપર્સની મિલકતો જપ્ત કરવા અને તેમની પાસેથી આ રકમ વસૂલ કરવા આદેશ આપવામાં આવ્યા છે. આ બાકી રકમ વસૂલવા માટે વ્યાપક ઝુંબેશ હાથ ધરવામાં આવશે અને કોઈને પણ છોડવામાં આવશે નહીં, એમ દેસાઈએ ભારપૂર્વક જણાવ્યું હતું.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું https://chat.whatsapp.com/JBcuZPbs8c13mKBrrfFfga
For more details… Contact 9322529232 / 9324483455
