મુખ્યમંત્રી મારી લાડકી બહેન યોજના માટે સામાજિક ન્યાય અને વિશેષ સહાય વિભાગ તરફથી 393.25 કરોડ રૂપિયાનું ભંડોળ મહિલા અને બાલવિકાસ વિભાગને આપવા મંજૂરી આપવામાં આવી છે. સામાજિક ન્યાય વિભાગે યોજના માટે 2025-26ના આર્થિક વર્ષ માટે 3 હજાર 960 કરોડ રૂપિયાની જોગવાઈ કરી છે. આ ભંડોળના લીધે લાડકી બહેનોને ડિસેમ્બર 2025નો હપ્તો મળી શકશે. મહાપાલિકા ચૂંટણી દરમિયાન રાજ્ય ચૂંટણી પંચે જાન્યુઆરી 2026 મહિનાનો હપ્તો આપવા મનાઈ ફરમાવી હતી.
મહાયુતિ સરકારે શરૂ કરેલી આ યોજનાને લીધે ચૂંટણીમાં જબરદસ્ત ફાયદો મળતો હોવાનું દેખાય છે. પણ ડિસેમ્બર 2025થી રાજ્યમાં ચૂંટણી થઈ રહી છે, આચારસંહિતાના બંધનના કારણે દર મહિનાનો હપ્તો ચુકવવા રાજ્ય સરકારે મનાઈ કરી છે. તેથી જાન્યુઆરી મહિનામાં ડિસેમ્બર 2025નો લાભ આપવાની તૈયારી રાજ્ય સરકારે શરૂ કરી છે. એના જ ભાગ તરીકે સામાજિક ન્યાય વિભાગે યોજના માટે રાખેલા ભંડોળમાંથી 393.25 કરોડ રૂપિયા મહિલા અને બાલવિકાસ વિભાગને આપવા મંજૂરી આપવામાં આવી છે.
2025ના અંતમાં મહિલા અને બાલવિકાસ વિભાગે લાભાર્થીઓને ઈ-કેવાયસી કરવા જણાવ્યું હતું. તેથી અનેક લાભાર્થીઓને લાભ મળતો ન હોવાની ફરિયાદ કરવામાં આવી હતી. જે મહિલાઓને લાભ મળ્યો નથી તેમને ડિસેમ્બર 2025 મહિનાનો લાભ જાન્યુઆરી 2026માં મળશે એમ અધિકારીઓ તરફથી જણાવવામાં આવે છે. રાજ્ય સરકાર પાસે ભંડોળ ન હોવાથી હપ્તા આપવામાં આવતા ન હોવાની ટીકા વિરોધીઓ તરફથી કરવામાં આવી હતી. પણ આખરે સામાજિક ન્યાય વિભાગે ભંડોળ માટે મંજૂરી આપી છે.
Join Gurjarbhoomi Group & get Daily Updates, News & Many more…
ગુર્જરભૂમિ ન્યૂઝપેપરની ફ્રી ઈ-કોપી રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp કમ્યુનિટીમાં અને દરરોજ મેળવો તાજા સમાચાર અને બીજું ઘણું બધું https://chat.whatsapp.com/JBcuZPbs8c13mKBrrfFfga
For more details… Contact 9322529232 / 9324483455
