ભારતમાં છૂટક ફુગાવાના ડેટા પણ જાહેર કરવામાં આવ્યા છે, જે છેલ્લા 15 મહિનામાં સૌથી નીચા સ્તરે આવી ગયો છે.
વૈશ્વિક મંદીની આશંકા વચ્ચે વિશ્વભરના શેરબજારોમાંથી મિશ્ર સંકેતો જોવા મળી રહ્યા છે. બુધવારે પણ યુએસ માર્કેટમાં ઘટાડો જોવા મળ્યો છે. આવી સ્થિતિમાં ભારતીય શેરબજારમાં આજે એટલે કે 13મી એપ્રિલે નબળી શરૂઆત થઈ છે.
સેન્સેક્સ 94.11 પોઈન્ટ અથવા 0.16% ઘટીને 60,298.66 પર અને નિફ્ટી 22.90 પોઈન્ટ અથવા 0.13% ઘટીને 17,789.50 પર હતો. લગભગ 1223 શેર વધ્યા, 673 શેર ઘટ્યા અને 88 શેર યથાવત છે.
ઈન્ડસઈન્ડ બેંક, ટેક મહિન્દ્રા, ઈન્ફોસિસ, એચસીએલ ટેક અને ટીસીએસ નિફ્ટીમાં સૌથી વધુ ઘટનારા સ્ટોક હતા, જ્યારે એમએન્ડએમ, ઓએનજીસી, આઈશર મોટર્સ, એપોલો હોસ્પિટલ્સ અને એચડીએફસી લાઈફ સૌથી વધુ વધનારા સ્ટોક હતા.
તમને જણાવી દઈએ કે FED મિનિટની નેગેટિવ કોમેન્ટ્રી બાદ માર્કેટમાં ઉથલપાથલ છે. તે જ સમયે, કેન્દ્રીય બેંકે કહ્યું છે કે યુએસમાં મંદીની સંભાવના છે. યુ.એસ.માં રાતોરાત, ડાઉ અને એસએન્ડપી 500 0.11 ટકા અને 0.4 ટકા ઘટ્યા હતા, જ્યારે નાસ્ડેક 0.85 ટકા ઘટ્યા હતા.
દરમિયાન, ભારતમાં છૂટક ફુગાવાના ડેટા પણ જાહેર કરવામાં આવ્યા છે, જે છેલ્લા 15 મહિનામાં સૌથી નીચા સ્તરે આવી ગયો છે.
આજે સવારે 7:30 વાગ્યે, SGX નિફાઈ પણ નબળા સેન્ટિમેન્ટને કારણે લાલ રંગમાં ખુલ્યો હતો. ઈન્ડેક્સ 30 પોઈન્ટના ઘટાડા સાથે 17,850ની નીચે ટ્રેડ થઈ રહ્યો છે.
સ્થાનિક બજાર વિશે વાત કરીએ તો, ઉત્તર અમેરિકા ક્ષેત્રમાં મંદીને કારણે TCS આવક અને નફાના અંદાજને ચૂકી ગયા પછી TCSના શેર આજે સમાચારમાં હશે.
ગઈ કાલે ભારતીય બજારની મૂવમેન્ટ કેવી રહી?
12 એપ્રિલે સ્થાનિક બજારમાં સતત 8માં દિવસે વધારો જોવા મળ્યો હતો. સેન્સેક્સ 235 પોઈન્ટના વધારા સાથે 60,392 પર અને નિફ્ટી 90 પોઈન્ટના વધારા સાથે 17,812 પર બંધ થયા છે.
ગુર્જરભૂમિની ફ્રી ઈ-કોપી દર રવિવારે રેગ્યુલર મેળવવા નીચે આપેલ લીંક પર ક્લિક કરો અને જોડાઓ ગુર્જરભૂમિના whatsapp ગ્રુપમાં. Join Gurjarbhoomi’s what’s app group for regular updates by clicking d link given below… https://chat.whatsapp.com/Kdwh1kEWfCM5zK9MUs3cnz
